அலசல்

தமிழ் பின்னனி பாடக/பாடகியர்களின் தொகுப்பு

2006-07-15T10:16:00.000-04:00

கடந்த சில வாரங்களாக Airtel Super Singer நிகழ்ச்சியை விஜய் டிவியில் தொடர்ந்து பார்க்கும் வாய்ப்பு கிடைத்தது.அமெரிக்காவில் சில மாதங்களூக்கு முன் Fox TV யில் American Idol என்ற சிறந்த பாடகர் தேர்ந்தெடுக்கும் நிகழ்ச்சி நடைப்பெற்றது,கிட்டதட்ட அதை தழுவி இங்கு இந்த நிகழ்ச்சி எடுக்கபட்டிருக்கிறது.உண்மையில் மெகா சீரியல்களின் அட்டாகசங்களுக்கு மத்தியில் இது ஒரு ஆறுதலான நிகழ்ச்சி.

வியக்கவைக்கும் வகையில் குரல் வளத்தோடு பாடும் இந்த புது முகங்களை பார்ப்பதற்கு மிகவும் மகிழ்ச்சியாக இருந்தது.அதே சமயம் இவர்களூம் இன்றை பின்னனி பாடக பாடகியரின் பெரும் கூட்டத்தில் முகம் தெரியாதவர்களாக மாறிவிடுவார்கள் என்ற வருத்தமும் ஏற்பட்டது.

இளையராஜா மிக பிரபலமாக இசை அமைத்து கொண்டிருந்த காலத்தில் விரல் விட்டும் எண்ணும் அளவுக்கு தான் பாடகர்கள் இருந்தார்கள்.A.R.ரஹ்மான் புண்ணியத்தால் இன்று தினம் ஒரு புது குரல் திரைபிரவேசம் செய்யும் அளவுக்கு பின்னனி பாடுபவர்களின் எண்ணிக்கை அதிகரித்துள்ளது.

இந்த பெரும் கூட்டத்தில் நாம் அடிக்கடி கேட்டு ரசிக்கும் சில பாடல்கள் கூட யார் பாடினார்கள் என்று தெரிந்தாருக்காது அல்லது தெரிந்திருந்தாலும் அவர்களை பார்த்திருக்கமாட்டோம்.இதற்கு மாற்றாக நாம் ஏன் தமிழில் பாடும் அனைத்து பின்னனி பாடகர்களை அவர்களது புகைபடங்களோடு சேகரித்து ஒரு பதிவு போட கூடாது என்று நினைத்தேன்.

ஆனால் சோம்பல் யாரை விட்டது,சரி எதற்கும் Google ல் ஒரு தேடு தேடி பார்த்து விட்டு பிறகு வேலையை ஆரமிக்கலாம் என்று பார்த்தால்,உனக்கு ஏனடா இந்த வேலை என்று ஒரு நண்பர் நான் செய்ய நினைத்த அனைத்தையும் முன்னமே முடித்து வைத்துள்ளார்,இங்கு சென்று பாருங்கள் நீங்கள் ரசித்த பாடகர்களின் முகங்களையும் அவர்களது பிரபல பாடல்களையும்.

கண்ணை கவரும் கைலாசநாதர் ஆலயம்

2006-07-12T12:11:00.000-04:00

பல்லவ பேரரசர்களின் கலை ஆர்வம் உலகமறிந்தது.அந்த வரிசையில் தன் பாட்டனார்களான மகேந்திரவர்மனையும்,நரசிம்மவர்மனையும் கலைத்துறையில் மித மிஞ்சியவன் ராஜசிம்மன் என்கிற இராண்டாம் நரசிம்மவர்மன் என்று சொன்னால் மிகையாகாது.

ராஜசிம்மன் ஆட்சி காலத்தில் பல்லவ சிற்பத்துறை சிகரத்தை தொட்டது,அந்த வகையில் அந்த மாமன்னனின் பெயரை சொல்லும் பல கோவில்களில் காஞ்சி கைலாசநாதர் கோவிலும்,மாமல்லபுரம் கடற்கரை கோவிலும் இன்றும் ராஜசிம்மனின் கலையார்வத்தை பறைசாற்றி கொண்டிருக்கிறன.மாமல்லபுரத்தில் உள்ள மற்றைய குடைவரை சிற்பங்களும் கோவில்களும் கூட ராஜசிம்மனாலேயே கட்டபட்டிருக்கும் என்று முனைவர் நாகசாமி அவர்கள் தனது ஒரு ஆய்வுகட்டுரையில் விளக்குகிறார்.

இவ்வாறு புகழ் பெற்ற காஞ்சி கோவில்களின் இன்றைய நிலைமை என்ன என்று காண்போம்,. கைலாசநாதர் கோவில் இந்திய தொல்லியல் துறையினரால் நன்றாகவே பாராமரிக்கபடுகிறது.கோவில் முழுநேர வழிபாட்டிற்கு திறந்து விடபடுவதில்லை என்று நினைக்கிறேன்.அதுவே ஒருவகையில் கோவிலை தூய்மையாகவும் அமைதியாகவும் வைத்திருப்பதற்கு உதவுகிறது.நாங்கள் கோவிலிற்கு சென்ற நேரம் ஒரு சனிகிழமை மதியம் சுமார் மூன்று மணி இருக்கும்,கோவிலில் எங்களை தவிர ஒரு வெளிநாட்டினரும் இந்திய தொல்லியல் துறையை சேர்ந்த ஒரு பாதுகாவலர்/கைடு மற்றுமே இருந்தனர். அமைதியாக கோவிலின் சிற்பங்களை சுற்றி பார்க்கவும் புகைபடம் எடுக்கவும் வசதியாக இருந்தது.

காஞ்சியில் உள்ள கோவில்களிலேயே அதிகமாக உருவிழந்து காணப்படுவது கைலாசநாதர் கோவிலாக தான் இருக்கும் என்று நினைக்கிறேன்.தொல்பொருள் துறை கோவிலின் ஒரு பகுதியில் உள்ள சிற்பங்களை புதுபித்து மிக அழகாக மாற்றியிருக்கிறார்கள் மற்ற பகுதிகள் ஏனோ தெரியவில்லை இன்னும் புதுபிக்கபடவில்லை. மற்ற பல்லவர்கால கோவில்களை போல் அல்லாது இது சுண்ணாம்பு மற்றும் கருங்கற்கள் கொண்டு கட்டபட்டுள்ளது.அனேகமாக அனைத்து சிற்ப்பங்களும் சுண்ணாம்பு மற்றும் களிமண்ணால் செய்ததாக இருக்கும் என்று நினைக்கிறேன்(உறுதியாக தெரியவில்லை).பல சிற்பங்கள் காலத்தின் பிடியில் சிக்கி சிதைந்து போயிருக்கின்றன.

ஒவ்வொரு குட்டி கோவிலுக்குள்ளும் ஒரு புராண காட்சியை சிற்பமாக வடிவமைத்திருக்கிறார்,பல்லவ பேரரசர் ராஜசிம்மன்.இவரது கலையார்வத்தில் இவரது மனைவி ரங்பதா தேவி அவர்களுக்கும் பெரும் பங்கு இருந்திருப்பதாக பேராசிரியர் நீலகண்ட சாஸ்திரி தனது South Indian History எனும் நூலில் கூறுகிறார்.மேலும் ராஜசிம்மனின் கலையார்வம் பற்றி சுவைபட அறிய வேண்டுமானால் சாண்டில்யனின் ராஜதிலகம் படித்துபாருங்கள்.

சரி வாருங்கள் இப்பொழுது கோவிலை பார்ப்போம்

உருகுலைந்த நிலையில் இருக்கும் சிற்பம்.இதே மாதிரி ஒரு சிற்பத்தை மகாபலிபுரத்தில் பார்த்த மாதிரி ஞாபகம்.

புதுபிக்கபட்டு கொண்டிருக்கும் கோவிலின் கோபுரம்.

கோவிலின் உள்ளே உள்ள புதுபிக்கபட்ட சிவன் சிற்பம்

புதுபிக்கபட்ட மற்றுமொரு குட்டி கோபுரம்

கைலாசநாதர் கோவிலின் சிறப்பம்சமே இந்த குட்டிகோவில்கள் தான்.

விபத்திற்கு வித்திடும் ரயில் பெட்டி

2006-07-07T13:00:00.000-04:00

இரண்டு வாரங்களுக்கு முன் ஒரு சொந்த வேலையாக காரைகுடிக்கு பயணபடுவதற்காக சென்னை -இராமேஸ்வரம் விரைவு ரயிலில் நாங்கள் ஏறிய பெட்டியின் மின்விளக்கு பட்டனின் நிலை இது.இதில் இன்னும் ஒரு வேதனையென்னவென்றால் நாங்கள் திரும்பி வரும் போது ஏறிய பெட்டியிலும் இதே நிலமைதான் காணப்பட்டது.ஒரு வேளை நாங்கள் வந்த அதே பெட்டியாக இருக்குமே என்று துருவி ஆரய்ந்ததில்,இல்லை என்று உறுதியாயிற்று.

டெல்லியில் இருந்து செல்லும் ரயில்களில் அடிக்கடி திடீர் சோதனை நடத்தும் லல்லு இந்த பக்கமும் கொஞ்சம் எட்டிபார்த்தால் நன்றாக இருக்குமோ என்னவோ தெரியவில்லை.

வெறுக்க வைக்கும் blogger...

2006-06-09T12:22:00.000-04:00

கடந்த இரண்டு வாரங்களாக blogger உடன் பெரும் போராட்டமாக உள்ளது.அவ்வப்பொழுது Load அவதற்கே மிக நேரமாகிறது.அதைவிட பெரும் இம்சையான ஒரு விஷயம், படத்தை உள் ஏற்ற முடிகிறது ஆனால் அது பதிவில் சேரமாட்டங்கிறது.

இந்த பிரச்சினை Googleக்கு நன்றாக தெரிந்தும் கூட Google இதை சரி செய்ய ஒரு வாரம் எடுத்து கொண்டது.பிரச்சினைக்கு தீர்வு ஏற்பட்ட பிறகு வழக்கமாக அதை தெரியபடுத்தும் Google,இந்த முறை அதை செய்ததாக தெரியவில்லை.

இவ்வளவு நடந்த பிறகும் Google,பெரிதாக blogger பிரச்சினைக்கு மொத்தமாக தீர்வு காண முயல்வதாக தெரியவில்லை.மீண்டும் இன்று அதே பழைய படம் உள் ஏற்ற முடியாத பிரச்சினை ஆரம்பமாகிவிட்டது.They are very much competitive enough to handle and solve this problem in quick time but somehow they don't seem to be interested

ஒருவகையில் Google,blogger மீதான தனது அக்கறையை குறைத்து கொண்டு மற்ற புது வெளியீடுகளில் திருப்ப தொடங்கிவிட்டதோ என்று தோன்றுகிறது.அவ்வாறாக இருப்பின்அது சரியான முடிவாக தெரியவில்லை.

மகாபலிபுரம் சுனாமி சிற்ப சின்னங்கள்

2006-06-08T12:22:00.000-04:00

சுனாமி சோகம் நடந்த பொழுது சென்னையில் இல்லாத காரணத்தால் அதன் கோரத்தையும் அதே நேரம் அது தேடி தந்த நமது கலை பொக்கிஷத்தையும் உடனடியாக காண வாய்ப்பு கிடைக்கவில்லை.

சுனாமி அலைகள் பின்வாங்கிய பிறகு மகாபலிபுர கடற்கரையில் தோன்றிய இரண்டு சிற்ப கோவில்களை பற்றி செய்திதாள்களிலும் வலைதளங்களிலும் மூலமாக தெரிந்து கொள்ள நேர்ந்தது.அதன் புகைபடங்களை நான் தேடிய வகையில் எனக்கு ஒரே மாதிரியான இரண்டு புகைபடங்களே அனைத்து செய்திதளங்களிலும்,வலை பூக்களிலும் கிடைத்தது.

ஆனால் நான் சென்னை திரும்பிய பிறகு நேரில் சென்று பார்த்த பொழுது எனக்கு புகைபடங்களில் பார்த்தவை அவ்வளவு திருப்திகரமாக இல்லை.முதலில் எந்த புகைபடங்களிலும் கடற்கரை கோவிலையையும் புதிதாக தோன்றிய சிற்பங்களையும் ஒன்றாக தெரியுமரான படங்கள் என் கண்ணுக்கு படவில்லை.

ஆகையால் இந்த பதிவு என்னை போல் சரியாக கண்டு மகிழ முடியாத நமது வெளிநாடு வாழ் நண்பர்களுக்காவும்,உள் நாட்டிலேயே இருந்து பார்க்க முடியாத நண்பர்களுக்காகவும் சமர்பிக்கபடுகிறது.

புது சிற்பங்களும்,தூரத்தில் கடற்கரை கோவிலும்.

ஐந்து தலை நாக வடிவில் உள்ள குட்டி கோவில்

தொல்பொருள் துறையினறால் கட்டம் கட்டப்பட்டுள்ள சுனாமிக்கு பின் சிற்பங்கள்

இந்திய தொல்பொருள் துறைக்கு- ஒரு "ஒ" போடுங்க !!!

2006-06-07T11:31:00.000-04:00

கடந்த வாரம்,வார விடுமுறையில் எனது இரண்டு சக்கரவாகனத்தில் ஏறி மகாபலிபுரம் சாலையில் ஒரு ரவுண்ட் அடிக்கலாம் என்று கேமராவை தூக்கி கொண்டு கிளம்பிய நான் கடைசியில் மகாபலிபுரத்திற்கே சென்று விட,சரி,இவ்வளவு தூரம் வந்தாயிற்று ஒரு எட்டு ராஜசிம்மரின் கடற்கரை கோவிலை கண்டு செல்லாலாம் என்று அனுமதி சீட்டு வாங்கி உள் நுழைந்தேன்.

உள்நுழைந்த எனக்கு வியப்பு காத்திருந்தது.இரண்டாண்டுகளுக்கு முன் வந்த பொழுது இருந்ததற்கும்,இப்பவும் நிறைய வேறுபாடுகள் தென்பட்டன.
நுழைவு சீட்டு வாங்கும் இடத்திலிருந்து தொடங்கி தடுப்பு சுவர்(ஒரத்தில் அமைந்திருக்கும் கடைகளை ஒட்டி) எழுப்பபட்டுள்ளது.உள்ளே மக்கள் நடந்து செல்ல நடைபாதை அமைக்கபட்டுள்ளது.கோவிலின் சுற்றுபுரம் முழுவதும் பசும் புற்களால் அழகுற காட்சியளிக்கின்றன.முதல் நுழைவாயிலிற்கு அருகிலும் இரண்டாம் நுழைவாயிலிற்கு அருகிலும் கோவிலை பற்றிய விவரங்கள் கல்வெட்டுகளாக,தொல்லியல் துறையினரால் அமைக்கபட்டுள்ளன.

தடுப்பு சுவரினால் அதிகம் பலன் பெற்றது வெளிநாட்டு சுற்றுலா பயணிகளாகதான் இருக்க முடியும் என்று நினைக்கிறேன்,பிச்சைகாரர்கள் மற்றும் புகைபடம் விற்கும் நடைபாதை வியாபரிகளால் அவர்கள் அடைந்த தொல்லைக்கு ஒரு முடிவு ஏற்பட்டிருக்கிறது.அவர்கள் அமைதியாகவும் நிம்மதியாகவும் நமது கலை பொக்கிஷத்தை கண்டு செல்ல வாய்ப்பு ஏற்படுத்தி கொடுத்துள்ள நமது இந்திய தொல்பொருள் துறைக்கு பாராட்டு தெரிவிக்க ஒவ்வொருவரும் கடமைபட்டுள்ளோம்.

கோவிலின் பின்புறம் சுனாமி மற்றும் கடல் காற்றினால் கோவிலிற்கு ஏற்படும் பாதிப்பை தடுக்க,கருங்கற்களை கொட்டி பெரும் தடுப்பு அரண் எழுப்பியுள்ளனர்.

சுமார் பதிநான்கு நுற்றாண்டுகளை தாண்டி இன்னமும் கம்பீரமாக நின்று கொண்டிருக்கும் ராஜசிம்ம பல்லவனின் கனவு சின்னம்,அதன் வயதின் மூப்பை ஆங்காங்கே வெளிபடுத்தி கொண்டுதான் இருக்கிறது.கிட்டதிட்ட கோவிலின் சுவற்றில் அமைந்துள்ள சிற்பங்களில் முக்கால் வாசி உப்பு காற்றிற்கு இரையாகி அதன் நிஜ உருவை இழந்திருக்கின்றன.

தொல்பொருள் துறையின் அரிய முயற்சியால் கோவில் சிற்பங்கள் முழுவதும் காகிதகூழ் கலைவையால் சுத்தம் செய்யபட்டு,பளீர் என்று காட்சியளிக்கின்றன.இந்த அரிய கலைசின்னத்தை அழகுபடுத்தி,காத்து வரும் தொல்லியல் துறைக்கு நாம அனைவரும் சேர்ந்து ஒரு ஓ போட்டே ஆக வேண்டும்.

உருகுலைந்த சிற்பங்கள்....

அழகின் மொத்த உருவமாய் நிற்கும் மகாபலிபுரம் கடற்கரை கோவில்
கோவிலின் பின் புறத்தில் கருங்கல் அரண்..

புதிதாக அமைக்கபட்டுள்ள நடைபாதை

சிப்காட் தொழில்நுட்பபூங்கா,சிறுசேரி - சென்னை.

2006-05-31T11:59:00.000-04:00

பழைய மகாபலிபுரம் சாலையில் திருபோருர் செல்லும் வழியில் சிறுசேரி தொழில்நுட்ப பூங்கா கண்ணில் பட்டது,இரண்டாண்டுகளுக்கு முன்பு ஒருமுறை சென்று பார்த்த ஞாபகம்,சரி என்று உள் நுழைந்தேன்.இரண்டாண்டுகளுக்கு முன் நன்றாக இருந்த சாலைகள் எல்லாம் குண்டும் குழியுமாக ஆகிவிட்டிருந்தது,Xansa building ஐ தாண்டியதும் TCSன் இடத்தில் கட்டுமாண வேலைகள் நடந்து கொண்டிருக்கிறது.

அதே சாலையில் கடைசி திருப்பத்தில் மேலும் ஒரு TCS site ல் கட்டுமான வேலைகள் ஞாயிற்று கிழமையில் கூட மும்முரமாக நடந்து கொண்டிருந்தது.இந்த பகுதியில் வர இருக்கும் மென்பொருள் உற்பத்தி நிலையங்களில் TCS site தான் மிக பெரிதாக தெரிகிறது.TCS site க்கிற்கு எதிரில் Mathematical Institue என்ற பெயரில் கட்டி முடிக்கபட்டு ஒரு அலுவலகம் உள்ளது.

இன்னும் சற்று தூரத்தில் Cognizant Technology யின் இரண்டாவது விரிவாக்கம் மிக வேகமாக நடந்து கொண்டிருக்கிறது.மேலும் திரும்பிய இடமெல்லாம் அந்த பொட்டல் காட்டில் கான்கிரிட் கட்டிடங்கள் மிக வேகமாக எழும்பி கொண்டிருக்கின்றன.இன்னும் இரண்டாண்டுகளில்,மொத்த இடமும் கான்கீரிட் கட்டிடங்களும்,அதன் உள்ளே பணிபுரியும் இளைய தலைகளுமாக நிரம்பிவிடும் என்பதில் சந்தேகமில்லை.

தஞ்சை கோவில் மற்றும் நாகை புத்த விகார ஓவியம்

2006-05-26T04:34:00.000-04:00

கூகுள் புத்தக தேடும் சேவையின் மூலமாக மார்கோபோலோவின் இந்திய பயணத்தை பற்றி படித்து கொண்டிருந்த போது இந்த இரண்டு அரிய ஓவியங்கள் கண்ணில் பட்டது.

மேலே உள்ள ஓவியம் தஞ்சை பெரிய கோவிலின் தத்ருபமாக வரையபட்ட பெரிய கோபுரம்.கீழே உள்ள ஓவியம் நாகை புத்த விகாரத்தின் மிச்சம்....
1846 ஸர் வால்டர் அவர்களால் வரையபட்டதாக ஓவியத்தின் கீழே குறிப்பிடபட்டுள்ளது.

கல்லிலே கலை வண்ணம் கண்டார்...

2006-05-19T11:25:00.000-04:00

மகாபலிபுரம் செல்லும் வழியில் கிழக்கு கடற்கரை சாலையில் திருவிடந்தையில் அமைந்துள்ளது நித்திய கல்யாண பெருமாள் கோவில்.9 ஆம் நூற்றாண்டை சேர்ந்த கோவில்,சோழர்கள் காலத்தை சேர்ந்தது என நினைக்கிறேன்.108 பாடல் பெற்ற வைணவ திருதலங்களில் ஒன்றாக இக்கோவில் விளங்குவதாக அங்குள்ள தல வரலாறு கல்வெட்டு தெரிவிக்கின்றது.இக்கோவிலின் மூலவராக ஆதிவராக பெருமாள் வீற்றுள்ளார்,தொடையில் பூமாதேவியை தாங்கி பக்தர்களுக்கு அருள் புரிகிறார்.

கோவிலின் சுற்று சுவர்கள் முழுவதும் கல்வெட்டுகள் பதிக்கபட்டுள்ளன,இவையனைத்தும் 10 ஆம் நுற்றாண்டிலிருந்து 16 ஆம் நுற்றாண்டை சேர்ந்தவைகள் என தல வரலாற்று கல்வெட்டு தெரிவிக்கின்றது.1000 வருடத்தை தாண்டிவிட்ட இந்த கோவிலின் முன்புற மண்டபம்,கண்ணை கவரும கலை சிற்பங்களை தாங்கி நிற்கிறது.முன்மண்டபத்தின் ஒவ்வொரு துணில் உள்ள சிற்பங்களும் ஒவ்வொரு கதை சொல்கின்றன.

கோவில் நுழைவாயிலின் முன்புறம் அமைந்துள்ள கலை மண்டபம்.

நாண் தொடுக்கும் இந்த வில்வீரர் யார் மீது அமர்ந்திருக்கிறார்?.

எலியை கண்டாலே ஒடும் நம்க்கு மத்தியில்,புலியை தலைமீது தாவவிட்டு,கொல்லும் இந்த வீரர் யார் ?

கழுகா,ராஜாளியா அல்லது கிளியா எதன் மீது இந்த வீரமங்கை அமர்ந்துள்ளார்,யாரை நோக்கி நாணேற்றுகிறார்.பண்டைய காலத்து பெண்கள் வீரத்தின் விலை நிலம் என்பதற்கொரு சான்று.

மீசையை முறுக்கி தமிழ்நாட்டின் வீரத்தை வெளிகாட்டும் வகையில் கையில் குறுவாளும்,தொடையில் மற்றொரு கட்டாரியுமாக காட்சி தரும் இவர் யார்?

நீண்ட சடையுடன் நடன மாடும் நடன மங்கை.அவர் கையில் இருப்பது குறுவாட்களா அல்லது நடனமாடுவதற்காக உள்ள கோல்களா என்று தெரியவில்லை.

ஆடல் காணீரோ,விளையாடல் காணீரோ என்று கேட்கும் நடன மங்கை

பாம்பு பஞ்சனையிலே ஒய்யாரமாய் படுத்திருக்கும் ஆதிகேசவரும் அவருது துணைவியர் இருவர் காலடியிலே அமர்ந்திருப்பதை சித்தரிக்கும் காட்சி.

நீண்ட தாடியும்,நெற்றியில் திருநீற்று பட்டையும் போட்ட இவர் யார் துறவியா அல்லது வேடதாரியா,என்று தெரியவில்லை.

ஒய்யாராமாய் நின்றபடி எதோ ஒரு விலங்கை துரத்துவதற்காக கையை ஓங்கும் இவரது மற்றொரு கையிடையில் ஒளிந்து கொண்டிருக்கும் குட்டி குழந்தை.அரச குடும்பத்து அம்மணியை போல் தோற்றமளிக்கும் இவர் துரத்த முயலும் விலங்கு எது என்று புரியவில்லை.

ரதத்திலிருந்து நாண் பூட்டி வில்லெறிவதற்காக குறி பார்க்கும் வீரர்.மிக அழகாக செதுக்கபட்டுள்ள சிற்பம்.

இன்னும் பல சிற்பங்களின் படங்களை நான் பதிவில் போடவில்லை.கண்ணை கவரும் நமது வரலாற்று நினைவு சின்னங்கள் காலத்தால் அழியாமல் பாதுகாக்க படவேண்டும்.

தொடர்ந்து தரம் தாழும் வைகோ

2006-05-11T12:34:00.000-04:00

//வைகோ அறிக்கைசட்டப்பேரவைத் தேர்தலில் தமிழக வாக்காளர்கள் தந்த தீர்ப்பை மதித்து ஏற்றுக் கொள்கிறோம் என்று மதிமுக பொதுச்செயலாளர் வைகோ கூறியுள்ளார்.

அறிக்கை:
"அதிமுக கூட்டணிக்கு வாக்களித்தவர்களுக்கு நன்றி கூறுகிறோம். 2004 மக்களவைத் தேர்தலில் மத்தியில் காங்கிரஸ் தலைமையிலான அரசு அமைய தமிழக வாக்காளர்கள் பெரும் வெற்றியைத் தந்தார்கள். அவர்கள் இப்போது சட்டப்பேரவைத் தேர்தலில் அதிமுக கூட்டணிக்கு தந்துள்ள ஆதரவை மதிப்பிட்டால், திமுக கூட்டணியின் வாக்கு வங்கியில் சரிவு ஏற்பட்டிருப்பதை உணரலாம். அதிமுக அரசு மீது அதிருப்தியோ, எதிர்ப்போ இல்லை என்றே கூறலாம்.

சென்னை ராஜதானியில் இருந்து தமிழ்நாடு தனி மாநிலமாக உருவெடுத்ததற்குப் பின்னர் நடந்த பொதுத் தேர்தல்களில் இதுவரை பிரதான எதிர்க்கட்சி பெற்றிருந்த இடங்களைவிட அதிக இடங்களில் சட்டமன்றத்தில் பிரதான எதிர்க்கட்சியாக அதிமுக பெற்றுள்ளது. இதுவே தமிழக அரசியலில் எங்கள் அணிக்கு சாதகமான திருப்புமுனையை விரைவில் உருவாக்கும்.
இத்தேர்தலில் பல கட்சிகளின் கூட்டணி பலத்தை சேர்த்துக் கொண்டு போட்டியிட்ட திமுக, வாக்காளர்களை ஏமாற்றிக் கவருவதற்காக செயல்படுத்தவே முடியாத வாக்குறுதிகளை வாரி இறைத்தது. தேர்தல் வெற்றிக்காக இவர்கள் தந்த பொய்யான மாய்மால வாக்குறுதிகள் எல்லாம் ஏமாற்று வேலை என்பது வெகுவிரைவில் வெட்ட வெளிச்சம் ஆகிவிடும்.
இத் தேர்தலில் தமிழக வாக்காளர்கள் தந்த தீர்ப்பை மதித்து ஏற்றுக் கொள்கிறோம். சட்டப்பேரவையில் ஒரு எதிர்க்கட்சிக்கு உரிய ஜனநாயகக் கடமையை முறையாகச் செய்வோம்."//

ஜெ வின் அறிக்கையையும் வைகோ வின் அறிக்கையையும் கூர்ந்து கவனியுங்கள்,ஜெ வின் அறிக்கையில் ஒரு அரசியல் தலைவரின் முதிர்ச்சி தெரிகிறது.ஒரு வித்தியாசம் தெரிகிறது.அரசியல் நெறிகளுக்கும்,கொள்கைக்கும் பெயர்போனவராக கருதபடும் வைகோவின் அறிக்கையில் ஒரு முதிர்ச்சி தெரியவில்லை.ஜெயா டிவி இன்று காலை தேர்தல் முடிகள் அறிவித்த போது செய்த கோமாளி தனம் தான் தெரிகிறது.35 தொகுதிகளில் போட்டியிட்டு 6 தொகுதிகளில் வெற்றி பெற்றிருக்கும் இவர்,இவரது தோல்வியை இவரது கூட்டணி மாறிய சந்தர்பவாதத்துக்கு கிடைத்த அடியாக கருதாமல் அல்லது ஏற்றுக் கொள்ளாமல்,திமுக அணியின் தொலைகாட்சி பொய் பிரசாரத்தை நம்பி மக்கள் வாக்களித்தாக கூறுகிறார்(ஜெயா டிவியில் புரட்சி புயலின் பேட்டியை பார்க்கவும்)

மக்களை மடையர்களாக மதித்து கூட்டணியை மாற்றினார்,2 ரு அரிசி தர முடியாது (சரியா தவறா என்று நான் கூறவில்லை) என்றார் ஆனால் அம்மா இலவசமாக 10 கி அரிசி கொடுப்போம் என்று கூறிய போது பல்டி அடித்தார்.ஜெ வின் ஒவ்வொரு அறிவிப்பின் போதும்,சர்கஸ் கூடாரத்தில் பல்டி அடிக்கும் கோமாளி போல் பல்டி அடித்தார்.

அனைத்தும் முடிந்து ஜெ வெ ஒரு அமைதியான அறிக்கையை வெளியிடும் போது கூட இவர் இன்னும் ஜெயா டிவி அறிவிப்பாளர்களை போல அறிக்கை விடுகிறார்.கட்சி ஆரமித்து மூன்று தேர்தல்களுக்கு மேல் ஆகிவிட்டது,இன்னும் சொந்தமாக வெற்றி பெறாத இவர்,திரு விஜயகாந்த் அவர்களை பார்த்து பாடம் கற்று கொள்ள வேண்டும்.

கட்சி ஆரமித்து சில மாதங்களே ஆன நிலையில் தைரியமாக எதிரியின் கோட்டை என்று கருதபடும் இடத்தில் நின்று வெற்றி பெற்று காட்டியிருக்கிறார்.ஆனால் வைகோ இன்று ஜெ டிவியில் பெரும் புன்னகையேடு எங்களுக்கு இந்த வாய்பை அளித்த அம்மாவுக்கு என்றென்றும் நன்றியோடு இருப்போம் என்று கூறியதை பார்க்கும் போது இவரையெல்லாம் தமிழகத்தின் எதிர்காலம் என்று நினைத்த என்னை போன்றோர் வெட்கி தலை குனிய வேண்டும் என்பதில் சந்தேகமில்லை.

வைகோவின் அரசியல் முதிர்ச்சியின்மை,கட்டுகோப்பு கட்டுகோப்பு என்று முழங்கும் அவர்,அவருடைய கட்சியின் இரண்டாம் மட்ட தலைவர்களை கூட்டணி அமைக்கும் போது கட்டு படுத்த முடியாமை,கூட்டணி முடிவில் குழப்பதனம்,ஒரே வாரத்தில் இந்த கூட்டணியின் தலைவரை முதல்வராக்குவேன் என்று பேசிவிட்டு அடுத்த வாரம்,அடுத்த பக்கம் சாய்ந்தது போன்ற பல தெளிவற்ற செயல்களால் அவரை ஒரு முடிவெடுக்க முடியாத தலைவராகவே இந்த தேர்தல் அடையாளம் காட்டியிருக்கிறது.
தென் மாவட்டங்களில் மிகுந்த செல்வாக்கு பெற்ற கட்சியாக மதிமுக வை தினமலர் போன்ற பத்திரிக்கைகள் சித்தரித்தன ஆனால் மதிமுகவின் ஒட்டு சதவிதம் இவரது கோமாளி தனத்தால் அதலபாதளத்திற்கு தள்ள பட்டிருக்கிறது.

இவ்வளவிற்கும் பிறகு இவரது அறிக்கையில் தமிழகத்தில் ஒரு வலுவான எதிர்கட்சி உருவாகியிருக்கிறது என்று கூறும் இவர்,இவரது பங்கு அதற்கென்ன என்று யொசித்தாரா?.தமிழகத்தில் அதிமுக ஒரு வலுவான எதிர்கட்சியாக உருவாகியிருப்பதற்கு காரணம் அதிமுக ஆட்சியின் மீது எந்த ஒரு பெரும் புகார் இல்லாததே காரணம்,மதிமுக அதிமுகவுடன் கூட்டணி வைத்ததல்ல.

தொடர்ந்து இதே போல் நடந்து கொண்டாரானால்,வைகோவும் மதிமுக வும் இருந்த இடம் தெரியாமல் போகும் என்பது நிச்சயம்.

பின்குறிப்பு : பின்னுட்டம் இடுபவர்களின் கவனித்திற்கு,எனது பதிவில் இடப்படும் பின்னுட்டங்கள்,தமிழ் மணம் அன்மையில் மறுமொழியிடப்பட்டோர் பகுதியில் வருவதில்லை.அதை நிவர்த்தி செய்ய முடியாத காரணத்தால்,உங்கள் பின்னுட்டத்தை எனது வலைபதிவில் காணுமாறு வேண்டிகோள்கிறேன்.

பாமாக 17 இடங்களில் முன்னனி,திமுக 87 இடங்களில் முன்னனி

2006-05-11T01:13:00.000-04:00

திமுக 158 +
அதிமுக 79 +

திமுக மட்டும் - 91

பாமாக - 18
இடது - 5
வலது - 7
அதிமுக - 70
மதிமுக - 8
விடுதலை சிறுத்தைகள் - 2

எதிர்பார்த்ததை விட அதிக இடங்களில் மதிமுக

2006-05-11T00:49:00.000-04:00

ஆச்சரியபடதக்க வகையில் 9 இடங்களில் முன்னேறும் மதிமுக.4 இடங்களுக்கு மேல் புரட்சி புயலே எதிர்பார்திருக்க மாட்டார் என்று நினைக்கிறேன்.ஆனால் ஆச்சரியபடதக்க வகையில் பல இடங்களில் முன்னெறுகிறது

ஆனால் பாமாக எதிர்பார்தை போல் மிக மோசமாக தோற்கவில்லை.
இதுவரை 12 தொகுதிகளில் முன்னிலை பெறுகிறார்கள்.

நம்பிக்கையுடன் போராடும் ஜெயா டிவி

2006-05-11T00:36:00.000-04:00

அனைத்து சேனல்களிலும் திமுக முன்னனி என்று வர,ஜெயா டிவியில் மட்டும் ரபி பெர்னாட்(அறிவாளி) தொடர்ந்து அதிமுக முன்னிலை பெற்று வருவதாக தகவல்களை பொழிந்து கொண்டிருக்கிறார்.

CNN -IBN நிலவரபடி

திமுக - 80
பமாகா -10
காங்கிரஸ் - 27
இடது - 5
வலது -7
அதிமுக -64
மதிமுக -10
விடுதலை சிறுத்தைகள் -2

விஜயகாந்த் முன்னிலையில் உள்ளார்.மேலும் 4 இடங்களுக்கு மேலாக மற்றவர்கள் முன்னிலையில் உள்ளனர்.

வாஷிங்டன் பயணம் - பகுதி IV

2006-05-03T11:19:00.000-04:00

நல்லா பாருங்க,வாஷிங்டனில் எடுத்த புகைபடங்களிலேயே எனக்கு மிகவும் பிடித்தது.நீங்கள் பார்ப்பதில் இடது புறம் உள்ளது புகைபடம்,வலது பக்கம் இருவர் நிற்பது தான் அறை.இது எடுக்கபட்ட இடம், நேஷனல் ஆர்கைவ்ஸ் மியுசியம்.

அதே படத்தின் முழு தோற்றம்.

வாஷிங்டன் நினைவிடத்தில் கம்பீரமாக நிற்கும்,நினைவு சின்னம்

வெள்ளை மாளிகையின் பின்புறம் உள்ள பூங்காவை கடந்து எதிர்புறம் சென்றால் நம்மை பிரமிக்கவைக்கும் வகையில் நெடிதுயர்ந்து நிற்பது அமெரிக்க முன்னாள் அதிபர் வாஷிங்டனின் நினைவு சின்னம்(Washington Monument),அமெரிக்காவின் அனைத்து மாகாணங்களிலிருந்து கொண்டு வரபட்ட நினைவு கற்கள் இந்த சின்னத்தின் பதிக்கபட்டுள்ளன.இந்த சின்னத்திற்கு அனுமதி இலவசம்,ஆனால் நுழைவுசீட்டு முன் கூட்டியே பெற்று கொள்ள வேண்டும்,நுழைவு சீட்டு தொலைபேசி வழியாக முன்பதிவு செய்ய தொடர்பு கொள்ளவேண்டிய எண் 1-800 -967 -2238.மேலும் விவரங்களுக்கு இங்கே சுட்டவும்

வாஷிங்டன் நினைவு சின்னத்திற்கு பின்புறம்( அல்லது முன்புறமா என்று தெரியவில்லை) ஒரு கால் மைல் தூரத்தில் இரண்டாம் உலகபோர் நினைவு சின்னம் மற்றும் வியட்நாம் போர் நினைவு சின்னம் ஆகியவை அமைந்துள்ளது.இவை இரண்டும் அந்த அந்த போரில் மறைந்த வீரர்களின் நினைவாக அமைக்கப்பட்டுள்ளது.இரண்டாம் உலகபோர் நினைவுசின்னத்தில் அமெரிக்காவின் அனைத்து மாகாணங்களின் நினைவாக நினைவு ஸ்தூபிகள் வட்டவடிவ சலவைகல் தடாகத்தை சுற்றி அமைக்கபட்டு மிக அழகாக உள்ளது.இந்த தாடகத்தில் படிகளில் அமர்ந்து காலை நீரில் அமிழ்த்தி ஒய்வெடுக்கும் வகையில் இது கட்டபட்டுள்ளது.

இரண்டாம் உலகபோர் நினைவுசின்னத்தின் பின்புறத்தில் ஒரு அரை மைல் தூரத்தில் மற்றுமொரு அமெரிக்க அதிபர் லிங்கன் அவர்களின் நினைவுசின்னம் அமைந்துள்ளது.இவை அனைத்தும் அருகருகில் அமைந்துள்ளது போல், வரைபடம் மற்றும் புகைபடத்தில் தோன்றினாலும் அனைத்திற்கும் நடந்து செல்வது மிக கடினமானது.

வாஷிங்டனில் உள்ள அனைத்து நினைவிடங்களையும் (ஆர்லிங்டன் சிமட்ரி தவிர) ஒரே நாளில் சுற்றி பார்க்க வேண்டுமானால் Tour Mobile பேருந்து தான் சரியான வழி, $20 என்று நினைக்கிறேன்,அனைத்து நினைவிடங்களிலும் நிறுத்துகிறார்கள் மேலும் தொடர்ச்சியாக Tour Mobile ன் பேருந்துகள் வந்துகொண்டே இருக்கின்றன.Tour Mobile பேருந்து மற்றும் அதன் விவரங்கள் அறிய இங்கே சுட்டவும்

இரண்டாம் உலகபோர் நினைவுசின்னத்தின் இடது புறம் பொட்டமாக் நதியின் அடுத்த கரையில் அதிபர் ஜெபர்சன் அவர்களின் நினைவிடம் உள்ளது.நேரப்பற்றாகுறை மற்றும் நடந்து நடந்து சோர்ந்து போனதால் இதற்கு நாங்கள் செல்லவில்லை.

என்னை பொருத்தவரையில் எங்களின் அதிகமான நேரம் விரையமான அதே சமயம் அதிகம் திருப்தியடையாத ஒரு இடம் ஆர்லிங்டன் சிமட்ரி(சுடுகாடு). கிட்டதட்ட பத்தாயிரத்திற்கும் மேற்பட்ட சடலங்கள் (பெரும்பாலும் இராணுவ வீரர்கள்) புதைக்கபட்டு ஒரே சீராக கற்கள் நடப்பட்டு மிக அழகாக இருக்கிறது,ஆனாலும் அதை பார்பதற்கு ஆகும் நேரம் மற்றும் அனுமதி சீட்டு கட்டணம் ஆகியவற்றை கணகிட்டு பார்த்தால் அவ்வளவு பயனுள்ள இடமாக தெரியவில்லை. International Spy Museum இதுவும் அவ்வளவாக எங்களை கவரவில்லை. வாஷிங்டனின் இன்னும் சில பிரபலமான கட்டிடங்களான Pentagan மற்றும் FBI Building ஆகியவற்றிக்கு அனுமதியில்லை.

(முற்றும்)

வாஷிங்டன் பயணம் - பகுதி III

2006-05-03T10:40:00.000-04:00

சுப்ரீம் கோர்ட்,library of congress இவைகளை பார்க்க விரும்புவர்கள் அவர்களது தொகுதி congressmen office மூலமாக முன்பதிவு செய்து கொள்வது நல்லது.என்னடா எம்.ல்.ஏ கிட்ட பேச சொல்கிறானே என்று கவலை கொள்ள வேண்டாம்,இவர்கள் நம்ம ஊர் எம்.ல்.ஏ க்ளை போல் மாமூல் எல்லாம் எதிர் பார்க்க மாட்டார்கள்.உங்கள் தொகுதி congressmen யார் என்று தெரிந்து கொள்வதற்கு ஒரு இணையதளம் உள்ளது அவற்றிலிருந்து உங்கள் தொகுதி congressmen ன் இணையதளத்திற்கு(கண்டிப்பாக அனைத்து congressmen க்கும் இணையதளம் உள்ளது) சென்றால் அவர்களின் தொலைபேசி மற்றும் fax எண் உள்ளது இவற்றில் ஏதேனும் ஒன்றின் மூலம் congressmen office யை தொடர்பு கொண்டால் அவர்கள் நம்முடைய விவரங்கள் அனைத்தையும் மின் அஞ்சல் மூலம் பெற்று கொண்டு,அரசு கட்டிங்களுக்கு முன் பதிவு செய்து தருவார்கள்.இது மொத்தமும் இலவசமாக நடைபெறுகிறது.இதில் உள் நாட்டினர் மற்றும் வெளிநாட்டினர் என்று எந்த விதமான பாகுபாடும் காட்டுவதில்லை.

சுப்ரீம் கோர்ட்டும், library of congress ம் விடுமுறை மற்றும் வார இறுதி நாட்களில் திறந்திருக்காது.ஆகையால் இவற்றை பார்க்க வேண்டுமானால் வேலைநாட்களில் வந்தால் மட்டுமே முடியும்.

Air and Space Museum த்திற்கு அடுத்ததாக நாங்கள் ரசித்து பார்த்த மற்றொரு இடம் National Archives.மிக பெரிய கட்டிடத்தில்,கம்பீரமாக அமைந்துள்ள இந்த பெட்டகத்தில்,அமெரிக்காவின் வரலாற்றில் இடம் பிடித்த கோப்புகள் மற்றும் ஆவணங்கள் வைக்கபட்டுள்ளன.அவற்றுள் அனைவரின் கவனத்தையும் கவர்வது Declaration of Independence.அமெரிக்காவின் உள் நாட்டு யுத்ததின் போது இங்கிலாந்து ராஜ்ஜியத்திற்கு எதிராக பெரும்பாலான மாகாணங்கள் ஒன்று திரண்டன,அவ்வாறு ஒன்று திரண்ட மாகாணங்கள்,அமெரிக்காவை ஒன்று பெற்ற நாடாக அறிவித்து இந்த சாசனத்தின் மூலம் பிரகனபடுத்திக் கொண்டன.ஆகையால் இந்த ஆவணம் அமெரிக்க மக்களிடையே மிகவும் புகழ் பெற்று விளங்குகிறது.

National Archive ஸில் உள்ள மற்ற ஆவணங்களை பற்றி தெரிந்து கொள்ளவும் மற்ற ஆவணங்களின் நகல் மற்றும் அவற்றின் படிமங்களையும்
National Archive ஸின் இணையத்தில் காணலாம்

(தொடரும்)

பகுதி I க்கு இங்கே சுட்டவும்.

பகுதி II க்கு இங்கே சுட்டவும்.

மயிலாடுதுறையில் கற்காலப் பொருட்கள் கண்டுபிடிப்பு

2006-05-01T13:52:00.000-04:00

The Hindu : Front Page : "Discovery of a century" in Tamil Nadu

இன்றைய ஹிந்து நாளிதழின் முன்பக்கத்தில் வந்த செய்தி,மயிலாடுதுறைக்கு அருகில் உள்ள செம்பியன் - கண்டியூர் என்ற கிராமத்தில் சண்முகநாதன் என்ற ஆசிரியரால் கற்காலத்தை சேர்ந்த கற் கோடலிகள் சில கண்டு எடுக்கப்பட்டுள்ளன்.இவை சுமார் 3500 வருடத்திற்கு முந்தையது என்று தொல்பொருள் துறையினறால் கணிக்கபட்டுள்ளது.இந்த கற்க்கோடாலியில் Indus script என்று கூறப்படும் சிந்து சமவெளி நாகரிகத்தை சேர்ந்த எழுத்துக்களால் ஆன வார்த்தைகள் பொறிக்கபட்டுள்ளன.அதில் எழுதபட்டுள்ள வாக்கியம் முருகன் என்ற பொருள் கூறிப்பதாக சிந்து சமவெளி எழுத்துகளின் வல்லுனரான திரு ஐராவதம் மகாதேவன் கூறியிருக்கிறார்.

இந்த கண்டுபிடிப்பின் மூலம் 3500 வருடத்திற்கு முன் தமிழக்த்தில் வாழ்ந்த மக்களும்,சிந்து சம்வெளியில் வாழ்ந்த மக்களும் ஒரே எழுத்து வடிவத்தை பயன்படுத்தியிருக்க கூடும் என்று வல்லுனர்கள் தெரிவிக்கின்றனர்.

அப்படி இருக்கும் பட்சத்தில் அவர்கள் ஒரே மொழியை பேசுவதற்கும் பயன்படுத்தி இருக்கலாம் !!!!!.தமிழ் குடியின் பழம் பெருமையை பறைசாற்றும் மற்றொரு அரிய கண்டெடுப்பு.

இதை முதல் பக்கத்தில் செய்தியாக வெளியிட்ட,ஹிந்து நாளிதழக்கு மனமார்ந்த நன்றிகள்.

வாஷிங்டன் பயணம் - பகுதி II

2006-04-29T04:18:00.000-04:00

பகுதி ஒன்றுக்கு இங்கே சுட்டவும்

வாஷிங்டனில் உள்ள முக்கியமான பார்வையிடங்கள் மற்றும் அவைகளின் முகவரி அடங்கிய பட்டியல்.நாங்கள் சென்ற வெகு சில இடங்களில் எங்களை கவர்ந்தவை பச்சை நிறத்தில் குறிப்பிடபட்டுள்ளன.அதிகம் சொல்லிகொள்ளும் படியான இடங்கள் ஆரன்ஞ் நிறத்தில் குறியிடபட்டுள்ளன.

கிட்டதிட்ட நாங்கள் செல்ல வேண்டிய அனைத்து இடங்களும் மெட்ரொ ரயில் பாதையின் வளையத்துக்குள் வந்ததால்,எங்களின் ஒரு கவலை தீர்ந்து விட்டிருந்தது.முதல் கட்டமாக எங்கள் திட்டமிடுதலில் நாங்கள் பார்க்க வேண்டிய இடங்கள் பற்றிய ஒரு பட்டியலை தயாரித்து கொண்டு அவற்றை எங்கள் ஆர்வம் மற்றும் பிரபலதன்மை(popularity) ஆகியவற்றின் அடிபடையில் வரிசை படுத்தி கொண்டோம்.வரிசைக்கு பிறகு அவற்றிற்கு அருகில் உள்ள மெட்ரொ ரயில் நிலையத்தை பொறுத்து மீண்டும் அவற்றை ஒரு வரிசையிலிட்டு கொண்டோம்.இவ்வாறு பிரித்ததால், எங்களுக்கு அருகருகில் உள்ள இடங்களுக்கு நாங்கள் இறங்க வேண்டிய ரயில் நிலையங்களின் பட்டியல் தயாரிப்பது சுலபமாயிற்று.

வாஷிங்டனில் பார்பதற்கு ஏகபட்ட இடங்கள் உள்ளன,ஆனால் குறைவான நாட்களில் இவைகள் அனைத்தையும் பார்க்க வேண்டுமென்றால் தெளிவான முன்னொக்கு திட்டம் அவசியம்.அதைவிட மிக அவசியம் பார்க்க வேண்டிய இடங்களுக்கு முன்கூட்டியே முன்பதிவு செய்வது அல்லது நுழைவு சீட்டு வாங்குவது.spy museum போன்ற சில அருங்காட்சியகங்களின் நுழைவு சீட்டுகள் TicketMaster இணைய தளத்தில் வாங்க முடிகிறது.இதனால் நமக்கு நேரம் மிச்சமாவதுடன்,சீட்டு கிடைக்காமல் போகும் வாய்ப்பு தவிர்க்கபடுகிறது.

மேலும் வெள்ளை மாளிகையின் விருந்தினர் பகுதியை(கவனிக்கவும்,விருந்தினர் அறைக்கும் மட்டுமே பார்வையாளர்கள் அனுமதிக்கபடுகின்றனர்) பார்க்க விரும்புவர்கள் அவர்கள் தொகுதி காங்கிரஸ் மென்(Congressmen) மூலமாக முன்கூட்டியே பதிவு செய்து கொள்ள வேண்டும்,அப்பொழுது தான் அவர்கள் வெள்ளை மாளிகையின் பாதுகாப்பு அதிகாரிகளால் உள் செல்வதற்கு அனுமதிக்கபடுவார்கள்.அதுமட்டுமல்ல வெள்ளை மாளிகையின் உள் செல்பவர்கள் புகைபட கருவி மற்றும் stroller உட்பட எதுவும் எடுத்து செல்வதற்கு அனுமதியில்லை மேலும் அவற்றை அங்கு வைத்து செல்வதற்கு இடமும் கிடையாது,அனுமதியும் கிடையாது.ஆகையால் நீங்கள் ஒரு குழுவாக சென்றால் சிலர் வெளியில் அமர்ந்து மற்றவர்களின் பொருட்களை பார்த்து கொள்ளலாம்,தனியாக சென்றால் பிரச்சினை தான்.அது சரி இவ்வளவு கெடுபிடிக்கு நடுவே உள் சென்று பார்ப்பது உபயோகமானதா என்று கேட்டால் இல்லையென்றே நான் சொல்வேன்.

இதே பை மற்றும் கேமரா பிரச்சினையால் நான் உள்ளே சென்று பார்க்கவில்லை,ஆனால் உள்ளே சென்று வந்த என் மனைவி அங்கு ஒரு அறையில் சில படங்கள் வைக்கபட்டிருந்ததை தவிர வேறொன்றுமில்லையென்று கூறியது என் மனதுக்கு கொஞ்ஞம் திருப்தி அளித்தது.

வெள்ளை மாளிகையை பார்க்க விரும்பும் பலர் வெள்ளை மாளிகை எதிரில் இருக்கும் பூங்காவிலிருந்து படம் எடுத்து கொள்வதையே விரும்புகின்றனர்,இதற்கு அனுமதி எதுவும் தேவையில்லையென்பதால்,இது சுலபமாகி விடுகிறது.

Air and Space Museum,Washington DC - Part III

2006-04-29T04:09:00.000-04:00

என்னுடைய கடந்த இரண்டு பதிவுகளிலும் போட விட்டு போன ஒரு படம்,மிகவும் உபயோகமானது.Air and Space Museum த்தின் விமானங்கள் நிற்கும் வரைபடம்.

வாஷிங்டன் பயணம் - பகுதி I

2006-04-28T13:30:00.000-04:00

வாஷிங்டன் நாங்கள் சென்றது ஒரு மாற்று ஏற்பாடு,லாஸ் வேகாஸ் செல்லலாம் என்று ஆரமித்த எங்களுக்கு,பயண முன்பதிவு கிடைக்காததால்,வஷிங்டனிற்கு முன்பதிவு செய்ய தேட ஆரமித்தோம்.நான்கு பிரபலமான Travel Booking இணையதளங்களான Priceline,Expedia,Orbitz and Hotwire ஆகியவற்றில் விடுமுறை கூட்டுபதிவை(Vacation Package) தேட ஆரமித்தோம்.Priceline க்கும் Expedia வுக்கும் இடாக மற்ற இரண்டு இணையங்களிலும் குறைந்த விலை கூட்டுப்பதிவு(vacation package deal) கிடைக்கவில்லை.

நாங்கள் தேடிக்கொண்டிருந்த சமயத்தில் priceline ல் ஒரு நல்ல டீல் $380 க்கு அட்லாண்டாவிலிருந்து வாஷிங்டனுக்கு,விமானம்,தங்கும் விடுதி மற்றும் கார் இவை மூன்றுக்கும் சேர்த்து கிடைத்தது.உடனடியாக அதை முன்பதிவு செய்து விட்டு மற்ற விஷயங்களை நோக்கி எங்கள் கவனம் திரும்பியது.ஹோட்டல்,விமானத்துடன் சேர்த்து காரும் முன் பதிவு செய்திருந்தாலும்,வாஷிங்டன் டவுண்டவுனில் உள்ள கார் நிறுத்திமிட பற்றாகுறையை பற்றி நண்பர்கள் வாயிலாக கேள்வி பட்டிருந்ததால்,கார் எடுத்து செல்வதை தவிர்க்க நினைத்து மெட்ரொ ரயில் பற்றி ஆராய தொடங்கினோம்.

வாஷிங்டன் மெட்ரொ ரயிலில் மொத்தம் ஐந்து பாதைகள் உள்ளன.ஒவ்வொரு பாதைக்கும் ஒரு நிறம் ஒதுக்கபட்டுள்ளது.இவைகள் புறப்படும் இடம்,கடந்து செல்லும் இடம் மற்றும் முடிவடையும் இடம் ஆகியவற்றை விளக்கும் வரைபடம் ரயில்,ரயில் நிலையம் மற்றும் ரயில் நிலைய வளைதளம் ஆகியவற்றில் அளிக்கபட்டுள்ளன.

மெட்ரொ ரயிலில் செல்வதற்கு தனியாக நுழைவு சீட்டு வாங்கலாம் அல்லது ஸ்மார்ட் கார்டு வாங்கி ஒரு நாள் மொத்தத்ற்கும் உபோயகபடுத்தி கொள்ளலாம்.ரயில் நிலையங்களில் கார் நிறுத்துமிடம் பொதுவாக நிறையவே உள்ளது,நீங்கள் ஏற வேண்டிய இடத்தில் உங்களுக்கு பார்க்கிங்கிற்கு இடம் கிடைக்கவில்லையென்றால் அடுத்த ரயில் நிலையத்தை நாடுவதை தவிர வேறு வழியில்லை.ரயில் நிலையங்களில் குழந்தைகளின் stroller எடுத்து செல்வதற்கு வசதியாக மின் ஏற்ற மாடங்கள்(elevator) உள்ளன.மொத்ததில் மெட்ரொ ரயில் பயணம்,கார் பயணத்தை விட வசதியாகவே இருந்தது.

(தொடரும்)

Air and Space Museum,Washington DC - Part II

2006-04-25T11:06:00.000-04:00

என்னுடைய முந்தைய பதிவில் நான் போட்ட படங்கள் எல்லாம் கருப்பாய் போய் விட்டதோடு அன்றி தனியாக திறக்கவும் வராததால்,மேலும் சில தகவல்களோடு சில தெளிவான படங்களொடு மற்றுமொரு பதிவை இங்கே இடுகிறேன்.

கடந்த பதிவில் விமானங்களையும் ஏவுகணைகளையும் பற்றி நிறையவே பார்த்தாயிற்று.ஆனால் இங்கு மற்றுமொரு சுவாரச்சியமான பார்வை பகுதி, ராக்கெட் மற்றும் விமானங்களின் இன்ஞ்சின் அமைந்துள்ள பகுதி.இந்த பகுதியில் பல்வேறு பழைய மற்றும் புதிய விமானங்களின் இன்ஞ்சின்கள் காட்சிக்கு வைக்கப்பட்டுள்ளன,இவைகளின் தொழில் நுட்பங்களின் நுணுக்கங்களும் இங்கு விளக்கபடுக்கிறன.

இது தவிர செயற்கை கோள்கள் மற்றும் விண்வெளி வீரர்கள்,விண்வெளி பயணத்தின் போது அணிந்து செல்லும் உடைகளும் கண்ணாடி பேழைகளிள் பார்வைக்காக வைக்கபட்டுள்ளன.

இங்குள்ள விமானங்களின் வரலாற்றை பற்றி தெரிந்து கொள்ள விரும்புவொர்களின் வசதிக்காக இங்கு முன்னாள் விமான படை வீரர்கள் சிறப்பு வழிகாட்டிகளாக பணிபுரிகிறார்கள்.இவர்கள் ஒரு மணி நேரத்திற்கு ஒரு முறை வழிகாட்டு பயணம் நடத்துகிறார்கள்.இதில் இவர்கள் இங்குள்ள விமானங்களின் சிறப்புகள் பற்றியும் அது பயண்படுத்த பட்ட போர்கள் பற்றியும் தெளிவாக விவரிக்கின்றனர்.

கண்காணிப்பு கோபுரத்திற்கு முன் நண்பர்

பழைய கால விமானங்கள்

ஸ்டெல்த் ரக விமானத்தின் முன் நண்பர்

கம்பீரமாய் நிற்கும் கண்கார்டு விமானம்

Air and space Museum - Washington DC

2006-04-24T13:13:00.000-04:00

அமெரிக்காவில் உள்ள பார்க்கபட வேண்டிய நகரங்களுள் முக்கியமானது அமெரிக்க தலைநகரம் வாஷிங்டன் டிசி..வாஷிங்டன டிசி முழுவதும் பல சுற்றுலா சிறப்பிடங்கள் இருந்தாலும்,என்னை அதிகம் கவர்ந்தது,ஏரொ ஸ்பேஸ் மியுசியம்.

இந்த மியுசியம் வாஷிங்டனில் இரண்டு இடத்தில் உள்ளது, டவுண்டவுன் என்று சொல்லபடுகிற நகரின் மையபகுதியிலும்,புறநகர் பகுதியில் விமான நிலையத்திற்கு அருகில் உள்ள சாண்டிலி(Chantily) பகுதியிலும் அமைந்துள்ளது.சாண்டிலி பகுதியில் அமைந்துள்ள மியுசியம் மிக பெரியது.இந்த மியுசியத்தில் ரைட் சகோதரர்களின் விமானம் முதல்,சமீபத்தில் பயண்பாட்டில் இருந்து நிறுத்த பட்ட கண்கார்டு(concord) விமானம் முதல் அத்தனை விமானங்களும் காட்சிக்காக வைக்கபட்டுள்ளன.

R G Flower ன் விமானத்திற்கு முன் நான்

இரண்டாம் உலக போரில் பயண்படுத்தபட்ட பல நாட்டை சேர்ந்த பல விதமான போர் விமானங்கள் அதன் முழு நிலையில் அப்படியே அந்தரத்தில் தொங்க விடபட்டுள்ளன,இவற்றை மிக அருகில் சென்று பார்க்கும் வகையில் மேல் தளங்களில் இணைப்பு பாலங்கள் அமைக்க பட்டுள்ளன.இதில் ஜப்பான் மற்றும் ஜெர்மனியை சேர்ந்த பல போர் விமானங்களும் உள்ளன.

அந்தரத்தில் தொங்கும் இரண்டாம் உலக போர் விமானங்கள்

நவீன ரக போர் விமானங்களில் மிகவும் கவனத்தை கவர்வது ஸ்டெல்த் வகையை சேர்ந்த நீண்ட தூர குண்டு வீச்சு விமானம்,கரிய நிறத்தில் மிக பரந்த இறக்கையோடு கம்பீரமாக நிற்கின்றது.

ஸ்டெல்த்திற்கு முன் நான்

போக்குவரத்து விமானங்களில் அனைவரையும் கவர்வது கண்கார்டு விமானம்.பாரீஸிலீருந்து நியுயார்க்கை மிக அதி விரைவில்(5 அல்லது எழு மணி நேரமா என்று சரியாக ஞாபகம் இல்லை) பறந்து சாதனை நிகழ்த்தி கொண்டிருந்த ப்ரான்ஸை சேர்ந்த இந்த விமானம் அடுத்தடுத்து நேர்ந்த விபத்துகளால் நிறுத்தபட்டது.இந்த விமானம் மியுசியத்தின் தரைதளத்தில் பிரமாண்டமாக நின்று கொண்டிருக்கிறது.

பின்புறத்தில் Concord விமானம் கிழே நிற்கிறது.படத்தில் நான் எனது மனைவி மற்றும் என் நண்பரின் மனைவி மற்றும் நண்பர்.

விமானங்கள் தவிர,நிஜம் முதல் மாதிரி வரை, இங்கு பல விதமான ஏவுகணைகள் வைக்கப்ட்டுள்ளன,ஒவ்வொரு ஏவுகணைகையின் பெயர் மற்றும் தொழில் நுட்பம் பற்றிய தகவல்கள்,அவற்றுக்கு உண்டான தகவல் பலகையில் வைக்கபட்டு,காண்பவர்களுக்கு தகவலூட்டும் வகையில் அமைந்துள்ளது.

அமெரிக்க விண்வெளி கழகமான நாசா அனுப்பிய எண்டர்பிரைஸ் என்ற ப்ரமாண்டாமான விண்வெளி ஓடம் மியுசியத்தின் ஒரு பகுதியில் நிற்கவைக்கபட்டுருக்கிறது.எண்டர்பிரைஸின் சக்கரம் உள்ள பகுதி மட்டும் கிட்டதிட்ட ஒரு ஆள் உயரத்திற்கு உள்ளது.நாசாவின் மற்ற சாதனைகளான சந்திரனுக்கு சென்ற விண்வெளி கலத்தின் கூடு மற்றும் 1997 ல் செவ்வாய் கிரகித்திற்கு அனுப்பபட்ட ஸொஜானூர் ரோபார்ட் ஆகியவைகளும் பார்வையாளர்களை கவரும் வண்ணமாக உள்ளன.

பிரமாண்டமான எண்டர்பிரைஸ் விண்வெளி ஓடத்தின் முன்பகுதி.அதன் முன் நானும் எனது குழந்தையும்

இவைகள் தவிர மியூசியத்தில் ஒரு IMAX திரையரங்கமும், விமான பார்வை கோபுரமும்(Watch Tower) உள்ளது.இந்த பார்வை கோபுரத்திலிருந்து வாஷிங்டன் விமானநிலையத்தில் விமானங்கள் இறங்குவதையும் ஏறுவதையும் பார்த்து மகிழ முடிகிறது.

மீயுசியத்திற்கு உள்ளேயே McDonald உணவு விடுதி உள்ளது,இது தவிர விமான மாதிரிகள் மற்றும் நினைவு சின்னங்கள் வாங்குவதற்கு ஒரு gift shop ம் உள்ளது.மீயுசியத்திற்கு என்று ஒரு நாள் ஒதுக்குவது முழுமையாகவும் நிதானமாகவும் மீயுசியத்தை சுற்றி பார்க்க உதவும்.

இன்னமும் மாறாத அரசு வங்கிகள்

2006-04-22T13:34:00.000-04:00

இன்று பெட்டகத்திலிருந்து(locker) நகை எடுப்பதற்காக இந்தியன் ஓவர்சீஸ் வங்கியின் சென்னையில் உள்ள ஒரு கிளைக்கு நானும் எனது மனைவியும் சென்றிருந்தோம்,என் மனைவி நகை எடுப்பதற்காக locker அறைக்கு உள்ளே சென்று விட நான் மட்டும் வெளியில் காத்திருப்போர்களுக்கான இடத்தில் அமர்ந்திருந்தேன்,அப்பொழுது ஒரு பெண்மணியும் அவரது கணவரும்(சரியாக ஊகிக்கமுடியவில்லை) அந்த பெண்மணியின் தந்தையாரின் லாக்கரை,அவர் இறந்து விட்டதால் திறக்க அனுமதி கேட்டனர்.

லாக்கருக்கு பொறுப்பு அதிகாரியான, அம்மணி அவர்களிடம் ஆங்கிலத்தில் ஒரு விண்ணப்பம் எழுதி கொடுக்குமாறு கேட்டார்.அந்த பெண்மணிக்கும் அவரது கணவருக்கும் ஆங்கிலத்தில் அவ்வளவாக பரிச்சையம் இருப்பது போல் தெரியவில்லை,ஆனாலும் அவர்களை தமிழில் எழுத பணிக்காமல்,ஆங்கிலத்தில் சொல்லி கொடுத்து எழுத சொன்னார்,ஏனோ தெரியவில்லை அவர்கள் எழுதி கொண்டுவருவதாக கூறிவிட்டு சென்றுவிட்டனர்.

வாடிக்கையாளர்களுக்கு அவர்கள் சொந்த மொழியிலேயே அனைத்து வசதிகளையும் வெளிநாடுகளில் உள்ள வங்கிகள்(Bank of America provides a spanish counter for the mexican population in Atlanta) செய்து கொண்டிருக்க,நம்ம ஊரில் இன்னமும் உளுத்து போன இந்த ஆங்கிலத்தில் தான் விண்ணப்பம் என்ற சம்பிரதாயத்தை கட்டி அழுது கொண்டிருக்கும் இந்த வங்கிகளை என்ன சொல்வது...........

சாலை விதிகளை கேலிகூத்தாக்கும் பல்லவன் பேருந்துகள்

2006-04-22T11:31:00.000-04:00

தினம் தினம் அலுவலத்திற்கு போகும் பொழுதும் வரும் பொழுதும் பல்லவன் பேருந்துகளின் வேக களியாட்டத்தை சாலைகளில் அனுபவிக்கும் பலருள் நானும் ஒருவன்.ஒருகாலத்தில் அதாவது 1970 - 80 களில் பல்லவன் போக்குவரத்து கழகங்கள் சாலை விதிகளை பின்பற்றுவதில் அத்தனை வாகன ஓட்டிகளுக்கும் முன்னொடியாக விளங்கின என்று எங்கோ படித்த ஞாபகம்.ஆனால் இன்று அதே பல்லவன் போக்குவரத்து கழக கண்மணிகள் தான் சிகப்பு விளக்கில் வேகமாக சாலையை கடந்து அனைவருக்கும்
வழிகாட்டுகின்றனர்.

சாலையின் நடுவிலே பேருந்தை நிறுத்தி பயணிகளை ஏற்றுவது இறங்குவது முதல்,நன்றாக இருட்டிய பிறகு கூட மாலை வேளையில் பேருந்தின் முன் விளக்கை போடாமல் வருவது முதல் அனைத்தும் அவர்கள் வைத்தது தான் சட்டம்.சில சமையங்களில் இவர்களுக்கும் டேங்கர் லாரி ஒட்டுபவர்களுக்கும் எதாவது வித்தியாசம் இருக்கிறதா என்று கூட நினைக்க
தோன்றுகிறது.

வலுவான தொழிற்சங்கங்கள் மற்றும் ஒட்டை உடைசல் பேருந்துகள், இவர்கள் செய்யும் தவற்றில் இருந்து இவர்களை காப்பாற்றுகின்றன.ஏற்கனவே கந்தலாகி போன சாலைவிதிகளின் மிச்சம் மீதியையாவது காப்பற்ற வேண்டுமானால் போக்குவரத்து கழகங்களின் ஒட்டுநர்களுக்கு சாலை விதிகளின் அவசியத்தை உணர்த்துவது மட்டுமல்லாது,போக்குவரத்து கழக பேருந்தின் தரத்தையும் உயர்த்த வேண்டும், அபொழுது தான் கொஞ்சமாவது சாலை விதிகளுக்கு மரியாதையும் வாகன ஒட்டிகளுக்கு பாதுகாப்பும் கிடைக்கும்.

காணாமல் போன என் வலைபதிவு

2006-04-14T13:31:00.000-04:00

.சாமியின் அலசல்

Rebublish index செய்த பின் எனது வலை பக்கத்திலிருந்து காணாமல் போய்விட்ட என் இந்த பதிவு,மகாபலிபுர சங்க கால முருகன் கோவில் தோண்டபடும் புகைபடங்கள் அடங்கியது.

ரசிகர்கள் என்ற பெயரில் பொறுக்கிகளின் வெறியாட்டம் .....

2006-04-14T01:50:00.000-04:00

கடந்த இரண்டு நாட்களாக பெங்களூரை ஆட்டி படைத்து கொண்டிருக்கும் நடிகர் ராஜ்குமாரின் மரணம்,சமூகத்தில் மறைந்து கிடக்கும்,பொறுக்கிகள் மற்றும் சமுகவிரோதிகளின் சுயரூபத்தை வெளிகொணர்ந்திருக்கிறது.

நடிகர் ராஜ்குமாரின் மரணம் இயற்கையாக நடந்த ஒரு சம்பவம்,இதற்கு உண்மை ரசிகர்கள் துக்கபடுவது நியாயம் ஆனால் இதற்கு எந்த ஒரு இயல்பான ரசிகனும் பஸ்ஸை கொளுத்துவது மற்றும் வன்முறையில் இறங்குவது என்பது நம்பமுடியாத விஷயம்.உண்மையில் இதை பயன்படுத்தி வன்முறையை தூண்டுவது சமுகவிரோதிகளாக மட்டுமே இருக்கமுடியும்.இவர்களுக்கு அரசியல்வாதிகளும் உடந்தையாக இருக்ககூடும் என்றே தோன்றுகிறது.

வன்முறையில் இறங்குவதால் இறந்து போன ராஜ்குமார் திரும்பி வரபோவதில்லை,இது கூட புரியாத முட்டாள் ரசிகர்கள் இருப்பார்கள் என்று நினைக்க தோன்றவில்லை.இதனால் ஆதாயம் தேடும் சிலர் சமுகவிரோதிகளின் உதவியோடு பெங்களுரின் இயல்பு வாழ்கையை முடக்கி சுயலாபம் அடைய முயற்சிக்கின்றனர்.இவர்களை இரும்பு கரம் கொண்டு ஒடுக்கி இயல்பு வாழ்க்கையை கொண்டுவர மாநில அரசு உடனடியாக முயற்ச்சிக்க வேண்டும்.பெங்களுர் கர்நாடக மாநிலத்தின் தலைநகரம் மட்டுமல்ல,இந்திய நாட்டு மென்பொருள் தொழிற்சாலையின் தலைநகரமும் கூட,இங்கு இது மாதிரி ஒரு நிகழ்வால் தொழில் முடங்கினால்,உலகத்தின் எல்லா முலையிலும் பிரதிபலிக்கும் என்பது மத்திய மாநில அரசாங்களுக்கு புரிந்திருக்கும் என்பதில் ஐயமில்லை.

Picture from Cannon Powershot S2IS

2006-04-09T12:14:00.001-04:00

கேமரா வாங்கிய புதிதில் அதன் தெளிவை சோதிப்பதற்காக இருட்டில் எடுத்த லாப்டாப் ஸ்க்ரீன்.

இது நன்றாக வந்தது போல் ஒரு எண்ணம் எற்பட்டதால் இங்கு போட்டுள்ளேன்.

உங்கள் கருத்துக்கள் வரவேற்கபடுகின்றன.

வேதனை தரும் விமான நிலையங்கள்.......

2006-04-07T02:54:00.000-04:00

ஓன்றரை ஆண்டுகளாக அமெரிக்காவின் பல விமான நிலையங்களின் வசதியை அனுபவித்து பழகிய எனக்கு மும்பாய் விமான நிலையம்,நமது நாட்டின உள் கட்டமைப்பு வசதியின் அவலத்தை கண்கூடாக காணும் ஒரு வாய்ப்பை வழங்கியது.11.30 மணிக்கு வந்திறங்க வேண்டிய ஏர் இந்திய விமானம்,ஓடுதள நெருக்கடி காரணமாக 45 நிமிடம் தாமதமாக இறங்கியது.

மூன்று hand luggage மற்றும் ஒரு laptop bag இவைகளுடன் இறங்கிய நாங்கள் சென்னைக்கு செல்லும் விமானத்தை பிடிப்பதற்கு பெரும் போராட்டமே நடத்த வேண்டியிருந்தது.மும்பை விமான நிலையத்தில் சென்னைக்கு செல்லும் விமானத்திற்கான வாசல் 19 க்கு செல்வதற்கு வந்த எங்களுக்கு esclator மட்டுமே தென்பட்டது.நிரைய பயண பைகள் மற்றும் குழந்தை வேறு இருந்ததால் elevatorல் செல்லலாம் என்று தேடிய எங்களுக்கு ஏமாற்றமே கிடைத்தது.வேறு வழியின்றி குழந்தையையும்,கை பெட்டிகளையும் தூக்கி கொண்டு esclator ல் ஒரு வழியாக சமாளித்து இறங்கினோம்.வாசல் 19ல் சென்னை மற்றும் திருவனந்தபுரத்திற்கு செல்லும் பயணிகள் காத்திருந்தனர்.

இரு விமானத்திற்கான பயணிகளையும் ஏற்றி செல்ல பேருந்து காத்திருந்தது.Air Bridge என்று சொல்லபடுகிற விமான இணைப்பு தள பற்றாகுறை காரணமாக உள்ளுர் விமானங்களில் பெரும்பான்மையான விமானங்கள் அவற்றின் நிறுத்துமிடத்திலேயே பயணிகளை ஏற்றும் அவலம்.இந்த பயணிகளை வாசலில இருந்து விமானம் இருக்கும் இடம் வரை ஏற்றி செல்லும் பேருந்துகளில் மக்கள் அடித்து பிடித்து கொண்டு ஏறிய கொடுமை காண சகிக்கவில்லை,இதை முறை படுத்தி பயணிகள் சீராக செல்வதற்கு உதவி செய்ய வேண்டிய விமான நிலைய ஊழியர்கள் ஒருமுறை திருவனந்தபுரத்திற்கு செல்லும் பயணிகளையும் மறுமுறை சென்னை செல்லும் பயணிகளையும் மாற்றி மாற்றி அழைத்து குழப்பத்தை உண்டு படுத்தினர்.

தெளிவாகவும்,நட்புணர்வுடனும் செய்ய வேண்டிய பணியை குழப்பத்துடனும் எரிச்சலுடனும் செய்தனர். விமானத்திற்கு அருகில் எங்களை இறக்கிவிட்ட பேருந்து சென்றவுடன் மீண்டும் ஒரு தள்ளு முள்ளுடன் பயணிகள்,விமானத்திற்குள் ஏறினர்.Airbus ரக வகையை சேர்ந்த அந்த விமானத்திற்குள் எறுவதற்கு,ஒரு மாடி உயர படிகட்டு வண்டியை
வைத்திருந்தனர்.அந்த படிகட்டுகளில்,கை பெட்டிகளையும்,குழந்தையையும் சுமந்து கொண்டு எங்களை போல் சிலர் மிகுந்த அவதியுடன் விமானத்திற்குள் ஏற வேண்டியதாயிற்று.உள்ளே சென்ற பிறகாவது உள்ளிருக்கும் விமான சிப்பந்திகள் எங்கள் பெட்டிகளை வாங்கவோ அல்லது உதவவோ முன்வராதது,ஏர் இந்தியா மற்றும் இந்திய அரசு சார்ந்த விமான போக்குவரத்து துறையின் லட்சணத்தை உறுதி செய்தது.

இந்த அவலத்தை ஒரளவிற்கு போக்க நினைக்கும் மன்மோகன் சிங் அரசுக்கு இடது சாரிகள் போடும் முட்டுகட்டை ஜனநாயகத்தின் அராஜகத்தையே காட்டுகிறது.இடது சாரிகளின் முட்டாள் தனமான ஒட்டு வங்கி அரசியலால் அதிகம் அவதிபடுவது பயணம் செய்யும் நடுத்தரவர்க்க மக்கள்களே.இன்னமும் இவர்கள் விமானத்தில் பயணம் செய்பவர்கள் எல்லாம் முதலாளிகள் என்று முழக்கமிட்டு ஊழியர் சங்கங்களுடன் சேர்ந்து கொண்டு நாட்டை முன்னேற விடாமல் செய்யும் அவலம் வேதனைக்குரியது.

முறையே பதினைந்தாயிரமும்,பத்தாயிரமும் ஊழியர்களை கொண்டுள்ள ஏர் இந்தியா மற்றும் இந்தியன் ஏர்லைன்ஸ் நிறுவனங்கள் தங்கள் தேவைக்கும் மேல் மூன்று பங்கு அதிகமாக ஊழியர்களை கொண்டுள்ளதாக,06/04/06 ஹிந்து நாளிதழில் வந்த செய்தி கட்டுரை தெரிவிக்கிறது.இவற்றில் ஆள் குறைப்பு செய்வதற்கு,அரசுக்கு ஆதரவு அளிக்கும் பிராகஷ் காரத்
மற்றும் சீத்தாரம் யெச்சுரி போன்ற அதி மேதாவிகளின் எதிர்ப்புக்கு பணிந்தே மத்திய அரசு தயங்குகிறது.சில நேரங்களில் இந்த கொள்கைவாதிகளை அடக்குவதற்கு ஜெவை போன்ற முரட்டு அரசியல்வாதிகள் தேவையென்றே தோன்றுகிறது.

நாடு தொடர்ந்து முன்னேற்ற பாதையில் செல்ல வேண்டுமென்றால்,அரசு சேவையில் மெத்தனங்கள் குறைக்கப்படவேண்டியது மிக அவசியம்.இன்றைய கால கட்டத்தில் ஒரு நாட்டின் வாசல் அதாவது Gateway of the country என்பது அந்த நாட்டின் முக்கிய விமான நிலையங்களே,அவைகளே குறைகளின் கூடாரமாக விளங்கினால்,நாடு முன்னேறுவதெப்படி?

மூடும் பனி -- மறைந்த சாலைகள்

2006-03-29T09:30:00.000-05:00

இடம் : அட்லாண்டா

இன்று காலை (March 29),அலுவலகத்திற்கு செல்வதற்காக,வெளியில் வந்த பொழுது பார்த்த(மன்னிக்கவும் பார்க்க முடியாத) மூடிய பனி.காரில் இருந்து ஒரு பத்தடி தூரமே சாலையை பார்க்க முடிந்த காட்சி,ஒரு வித்தியாசமான அனுபம்.எதிர்பாராத விதமாக இன்று அலுவலகத்திற்கு புகைபட கருவி எடுத்து வர நேர்ந்ததால்,இதை புகைபட கருவிக்குள் சுருட்ட முடிந்தது.

அலட்சியத்தின் உச்சகட்டம்....

2006-03-27T11:22:00.000-05:00

நன்றி : தினமலர்

சென்னைக்கு தண்ணீர் கிடைப்பதே அரிதாகி விட்ட கால கட்டத்தில்,அரிதாய் நிரம்பி இருக்கும் சென்னை குடிநீர் ஏரிகளின் நீர் இப்படி வீணாக்கப்படுவது வேதனைக்குள்ளானது.சென்னை மற்றும் காஞ்சிபுரம் மாவட்டங்களில் ஆயிரத்துக்கும் மேற்பட்ட ஏரிகளை அமைத்து வரட்சியை போக்கினார்கள் பல்லவ மன்னவர்கள் என்று வரலாறு தெரிவிக்கின்றது.

ஆனால் இன்றைக்கு அவற்றில் பாதிக்கு மேற்பட்ட ஏரிகள் காணாமல் போய்விட்டன.மீதி ஏரிகள் முழுவதுமாக நிரம்புவது ஏதோ காண கிடைக்காத அபூர்வ காட்சியாக ஆகிவிட்டன.இந்த நிலையில் இயற்கையாக பார்த்து கொடுத்த மழை நீரில் முழுவதும் சேமிக்க முடியாமல் வீணாக்கி விட்ட நிலையில் மீதி இருக்கும் நீரையும் முறையாக காக்காமல் இப்படி வீணடிப்பது எந்த விதத்தில் நியாயம் என்று தெரியவில்லை.

இதற்கெல்லாம் மூல காரணம்,நமது அரசுக்கும் அரசு அதிகாரிகளுக்கும், கடமை பொறுப்பு (Accountability) என்ற ஒன்றின் அவசியம் இல்லாமல் போனதே.எந்த ஒரு தவறுக்கும் அரசாங்கத்தில் யாரும் பொறுப்பு ஏற்பதில்லை.எழுபத்தைந்து சதவீதம் குற்றச்சாட்டிற்கு அரசியல் உள் நோக்கம் இருப்பதாக கூறி தட்டி கழித்து விடுகிறார்கள்,மீதி இருபத்தைந்து சதத்திற்கு யாராவது இளிச்சவாயனை பலிகடாவாக்கி விடுகிறார்கள்.இது மாறாத வரையில் கீழ் நிலை அதிகாரிகளுக்கு பொறுப்பு வர போவதும் இல்லை,பொறுப்புள்ள அதிகாரிகளை அரசியல்வாதிகள் செயல் பட விடபோவதும் இல்லை.

சாதிகளை பாதுகாக்க தினம் ஒரு சங்கங்கள் தோன்றும் வேளையில் பொது நலனை பாதுகாக்க வருடத்திற்கு ஒரு சங்கம் கூட தோன்றுவதில்லை.

அட்லாண்டாவிலிருந்து சென்னைக்கு........

2006-03-25T23:32:00.000-05:00

ஒன்றறை ஆண்டுகள் கண் முடி கண் திறக்கும் நேரத்தில் ஓடி விட்டன.இன்று தான் ஹார்ட்ஸ்பீல்டு ஜெக்சன்(அட்லாண்டா விமான நிலையம்) விமான நிலையத்தில் இறங்கியது போலிருக்கிறது.ஆனால் அதற்குள் அதே விமான நிலையத்தில் எடுத்து வந்த பெட்டிகளை விட அதிக பெட்டிகளை சுமந்து கொண்டு செல்ல தயாராகி விட்டோம்.இந்த இடை வெளியில் எத்தனை நிகழ்வுகள் எத்தனை மாற்றங்கள்.ஆரம்ப இரண்டு மாதங்கள்,கொஞ்ஞம் அவஸ்தையான காலகட்டமாகயிருந்தது. Social Security Number(SSN) அதாவது சமூக பொது அடையாள எண்,வரும் வரையில்,கிட்டதட்ட விட்டு காவல் கைதிகள் போலதான் நானும் என் குடும்பமும் வாழ வேண்டியிருந்தது.

கடைக்கு செல்வதிலிருந்து அலுவலகம் செல்வது வரை எல்லாவற்றிற்கும் சக அலுவலக தோழர்களையே நம்பி இருக்கவேண்டிய ஒரு சூழ்நிலை.அரசு அல்லது பொது வாகன வசதி அதிகமாக இல்லாத அட்லாண்டா போன்ற நகரங்களில் கார் இல்லையென்றால் விட்டுக்கைதியாக வேண்டிய சூழ்நிலை தவிர்கக இயலாதது.இந்தியாவிலுருந்து வரும் போது கொண்டு வந்திருந்த International Drivers Permit வைத்து வாடகை கார் எடுத்து ஓட்டலாமென்று முயன்ற போழுது எந்த வாடகை கார் நிறுவனமும் IDP யை வைத்து கார் தர தயாராக இல்லை.கிட்டதிட்ட இரண்டு மாதங்கள் கழித்து SSN வந்ததும் முதல் வேலையாக வாகன போக்குவரத்து அலுவலத்தில் தேர்வு எழுதி பயிற்சி உரிமம் பெற்று கொண்டு,நான் வாங்கி வைத்திருந்த மாஸ்டா காரை ஒட்ட தொடங்கினேன்,பயிற்சி உரிமம் வாங்கிய இரண்டாவது வாரமே வாகன ஒட்டி தேர்வை முடித்து,முழு உரிமம் பெற்ற பொழுது ஒரு சிறையிலிருந்து விடுதலை அடைந்த உண்ர்வு உள்ளுக்குள் ஒட்டியிருந்தது.

இந்த ஒன்றறை ஆண்டுங்களில் அமெரிக்காவின் கிழக்கு கடற்கரை மகாணங்களில் அரைவாசி இடங்களை பார்த்தாயிற்று.ஆனாலும் உள்ளுக்குள்ளே சின்ன வருத்தம்,புளொரிடாவுக்கு மிக அருகில் இருந்தும்,புளொரிடாவின் எல்லையை கூட தொடாமல் செல்வது தான்.இன்னும் ஐந்து தினங்கள் அமெரிக்காவில்,அடுத்த வார கடைசியில் மீண்டும் ஏர் இந்தியாவில் பயணம்......

சொர்கமே என்றாலும் அது நம்மூர போல ஆகுமா...........................மீண்டும் காதில் ஒலிக்கும் அதே பாடல் வரிகள்.............

அம்மாவை நம்பி அம்போ ஆன அதி மேதாவிகள்

2006-03-24T22:45:00.000-05:00

Dinamalar ePaper - Article

புதிதாக இந்த பட்டியலில் இடம் பிடித்துள்ளவர்கள்,திண்டிவனத்தாரும்,விஜய ராஜேந்திரரும்.காங்கிரஸை இரண்டாக பிளந்தேன் என கொக்கரித்து திரிந்த திண்டிவனமும்,நான் திமுகவில் இருந்தால் ஸ்டாலினின் வளர்ச்சி பாதிக்கும் என பயப்படுகிறார்கள் என்று உதார் விட்ட ராஜேந்திரரும்,அம்மாவின் மெகா கூட்டணியில் கும்பலோடு கோவிந்தாவாக சில சீட்டுகளை அள்ளி கொண்டு போகலாம் என்ற பகல் கனவில் மண் விழுந்தது.இன்றைய முதல்வரின் கடந்த கால அணுகுமுறைகளை சிறிதளவேணும் ஞாபகம் வைத்திருந்தால் இவர்களுக்கு இந்த கதி வந்திருக்காது.இதே கதி தான் வைகோவிற்கும் ஏற்படும் என்பதில் சிறிதளவும் சந்தேகமில்லை.

வாங்க... வாய்விட்டு சிரிங்க !!!!

2006-03-22T15:48:00.000-05:00

அமெரிக்க விமான நிலையங்களில் கிட்டதட்ட இந்த அளவுக்கு ஆக்கிவிடுகிறார்கள் நம்மளை.........

நன்றி : டைம்ஸ் ஆப் இந்தியா

Thanks to Times of India.

பனிமலையில் பயங்கரம்

2006-03-21T12:02:00.000-05:00

சமீபத்தில் பிரிட்டனின்,Independent Online பத்திரிக்கையின் அறிவியல் பகுதி ஆசிரியர் (science Editior) ஸ்டீவ் கான்னர் எழுதிய "Climate change "irreversible" as Artic ice fails to reform" என்ற கட்டுரையை படிக்கும் வாய்ப்பு கிடைத்தது.அவரது கட்டுரையின் சாரம்சம் இது தான்,

" கடந்த இரண்டு ஆண்டுகளில், இரண்டாவது ஆண்டாக குளிர்காலத்தில் ஆர்டிக் பகுதியில் உள்ள கடல் பகுதியில் கரைந்து போன பனிமலைகள் மீண்டும் எதிர்பார்த்த அளவுக்கு உருவாகவில்லை என்பது தான்.ஓவ்வொரு ஆண்டும் வெயில் காலத்தில் உருகும்(சிறிதளவு மட்டுமே) பனிமலைகள் மீண்டும் குளிர்காலத்தில் உரைந்து பழைய நிலமைக்கு மாறி விடுவது வழக்கம்.ஆனால் கடந்த இரண்டு ஆண்டுகளாக இது நடைபெறவில்லை.இது விஞ்ஞானிகளிடையே கலக்கத்தை ஏற்படுத்தியிருப்பதோடு,ஆர்டிக் பனிமலைகள்,வெயில் காலம் மற்றும் குளிர்காலம் இரண்டிலும் தொடர்ந்து உருகுகிறது என்று நம்ப வெய்த்துள்ளது.இதனால் ஆர்டிக் பனிமலைகள் எதிர்பார்த்த ஆண்டுகளுக்கு முன்னதாகவே உருகி அழியும் வாய்ப்பை இது அதிகபடுத்தி உள்ளதாக கருதுகின்றனர். "

மேலும் படிக்க இங்கே செல்லவும்

இதற்கு முக்கிய காரணமாக உலக தட்ப வெப்ப நிலை மாறுதல்கள் (Global Warming) கூறப்படுகிறது. உலக நாடுகளால் தொடர்ந்து வெளியேற்றபடும் நச்சு வாயுக்களால் பூமியின் மேற்பரப்பில் உள்ள ஒசோன் வாயு படலத்தில் ஏற்படும் அழிவானது,பூமியின் வெப்ப நிலையை அதிகரிக்க செய்து பனிமலைகளை உருக செய்கின்றது.இவ்வாறு பனிமலைகள் உருகுவதால் நாளடைவில் கடல் மட்டம் அதிகரித்து,கடல் பகுதியில் உள்ள நகரங்கள் அழியும் அபாயம் உள்ளதாக பல செய்திகள் தெரிவிக்கின்றன.

இது ஒரு புறம் இருக்க கடந்த இரண்டு ஆண்டுகளில் உலெகெங்கும் அதிகரித்து வரும் Extreme Climatic Condition அதாவது தட்ப வெப்ப நிலையின் உச்சகட்ட மாறுதல்கள் இதற்கு அச்சாரம் போடுவது போல அமைந்துள்ளன.

கடந்த 2005ல் மட்டும்,

மூன்று முறை அமெரிக்காவை தாக்கிய கடும் சூறாவளிகள்,
இந்தோனிஷிய பகுதிகளில் ஏற்பட்ட நிலநடுக்கங்கள்,
தென்கிழக்கு ஆசிய நாடுகளில் சுனாமி தாக்குதல்கள்,
மும்பையிலும்,சென்னையிலும் பெய்த வரலாறு காணாத கன மழைகள்,
பாகிஸ்தான் கஷ்மீரிலும் இந்திய கஷ்மீரிலும் ஏற்பட்ட நிலநடுக்கங்கள்,
தென் அமெரிக்க மற்றும் மேற்கு இந்திய தீவுகளை தாக்கிய பெரும் அட்லாண்டிக் சூறாவளிகள்,

http://www.infoplease.com/ipa/A0931002.html

இவையெல்லாம் நமக்கு ஏதோ ஒன்றை உணர்த்தினாலும்,உலக நாடுகளின் கவனம் இன்னும் முழுமையாக இந்த இயற்கை சீற்றங்களின் மேல் திரும்பவில்லை என்பது தான்.மேற்கத்திய நாடுகளிலாவது அவ்வப்போழுது இது போன்ற செய்திகள் முக்கிய நாளிதழ்களில் இடம் பெற்று மக்களுக்கு ஒரு விழிப்புணர்வை உருவாக்கி அதன் மூலம் அரசுகளின் கவனத்தை ஈர்க்கின்றன.

ஆனால் நம்மூரிலோ இதை செய்ய வேண்டிய பத்திரிக்கைகள் அரசியல் மற்றும் சினிமா துறையினர்க்கு களப்பணி ஆற்றுவதே கடனாக இருக்கின்றன.

வெகு ஜன பத்திரிக்கைகள் குறைந்த பட்சம் ஒரு பத்து சதவீதமவது இது போன்ற செய்திகளுக்கு முக்கியத்துவம் அளித்து மக்களுக்கு விழிப்புணர்வு ஏற்படுத்தினால் நாட்டிற்கும் நல்லது, நாம் வாழும் இந்த பூமிக்கும் நல்லது.

பின்குறிப்பு : வலைபதிவின் தலைப்பு கொஞ்ஞம் சினிமா தனமாக இருந்தால் மன்னிக்கவும்.

மதிப்புகூட்டபட்ட வாக்குரிமை

2006-03-18T23:02:00.000-05:00

ஐந்தாண்டுக்கு ஒருமுறை தேர்தல் வருகிறது,கேட்டு புளித்து போன அதே கோஷங்கள் எழுப்படுகின்றன.போதாதகுறைக்கு புது கட்ச்சிகள் தினம் ஒன்றாய் தோன்றுகின்றன.ஒட்டு போடும் மக்களில் 70% சதத்திற்கும் மேலானவர்கள்,ஒன்று கிராமத்தில் இருக்கிறார்கள் அல்லது படிக்காதவர்களாய் இருக்கிறார்கள்.இவர்களுக்கு சரியான விஷயத்தை எடுத்து சொல்ல வேண்டிய வெகு ஜன பத்திரிக்கைகள்,

இன்று கட்சியின் கொள்கை பரப்பு

செயலார்காளை போல நடந்து கொள்கின்றன. இந்த மாதிரி சூழலில் படித்தவர்களிவடையே ஒட்டும் போடும் பழக்கத்தை உக்குவிக்கும் வகையில் மதிப்பு

கூட்டபட்ட வாக்கை(like VAT value added Tax) அமல் படுத்தினால் என்னவாகும் என்ற ஒரு சிந்தனை .......

சரி,மதிப்பு கூட்ட பட்ட வாக்குரிமை என்று நான் சொல்வது இது தான்,வாக்காளரிகளின் கல்வி

தரம்,வயது மற்றும் தொழில் இவற்றை வைத்து ஒவ்வொரு வாக்களர்களின் வாக்கு மதிப்பு நிர்ணயிக்கபட்டு அந்த விகிதத்தில் அவர்களது வாக்கு மொத்த வாக்கில் சேர்க்கபட வேண்டும்,இவ்வாறு

செய்தால் அரசியல் கட்சிகளுக்கு மக்களிடையெ ஒரு பயம் வரும் என்று நான் கருதுகிறென்.மேலும் தொடர்ந்து மூன்று முறை வாக்களிகதவர்களின் வாக்குரிமை தற்காலிகமாக பரிக்க பட வேண்டும்.அதே சமயம் அரசியல் கட்சிகளுக்கு வாக்களிக்க விரும்பாதவற்களுக்கு அதை பிரதி பலிக்க வாக்கு சீட்டில் வாய்ப்பு தரபட வேண்டும்

ஆனால் இவையெல்லாம் நடைமுறையில் சாத்தியபடுமா என்பது தெரியவில்லை.

நயகரா - கனவு தேசத்திற்கு ஒரு பயணம்

2006-03-17T09:24:00.000-05:00

நயகரா அருவி

சென்ற ஆண்டு (அதாவது 2005) மே மாதம் ஒரு நீண்ட வார விடுமுறையில்(long weekend), எங்களது நீண்ட நாள் கனவு பகுதியான,நயகாரா செல்லலாம் என்று முடிவு செய்தோம்.அட்லாண்டாவிலுருந்து ,buffalo செல்ல விமானம் மற்றும்,தங்கும் விடுதி முன்பதிவு செய்ய தேடியபொழுது,மலிவு விலை டீல் ஓன்றும் அகபடவில்லை,அப்பொழுது நண்பர் ஒருவர் கொடுத்த ஆலோசனையின் பேரில்,அட்லாண்டாவிலிருந்து,buffalo செல்வதற்கு பதிலாக பிட்ஸ்பர்க் சென்று அங்கிருந்து நயகாராவிற்கு காரில் செல்வது என்று தீர்மானித்து,முன்பதிவு செய்து கிளம்பினோம்.

அமெரிக்கன் அருவி

பிட்ஸ்பர்க் விமான நிலையத்தை அடைந்த பொழுது மணி சுமாரக இரவு 9 இருக்கும். ஏவிஸ் வாடகை கார் காரரின்,தாராள மனசால் Mercury Grand கார் கிடைத்தது.ஆனால் அந்த சந்தோஷம் நீண்ட நேரம் நீடிக்கவில்லை,விமான நிலையத்தை விட்டு,யாஹு மேப்பின் உதவியோடு வெளியில் காரை ஓட்டி வந்த எங்களுக்கு அதிர்ச்சி காத்திருந்தது,மேப்பின் படி நாங்கள் செல்ல வேண்டிய வழி தடத்தில்,கட்டுமான வேலை நடைபெற்று கொண்டிருந்ததால்,வேறுபாதையில்(Detour) செல்ல குறியிடபட்டிருந்தது.

சாரல்களுக்கு நடுவே Maid of the Mist

நம்ம ஊரை போல் சாலையோரத்தில் வண்டியை நிறுத்தி,டீ கடையில் வழி கேட்கும் வசதி அங்கில்லாததால்,ஹோட்டலுக்கு செல்லும் எங்கள் பயணம் மிகுந்த விறுவிறுப்பு நிரைந்தாக மாறிவிட்டிருந்தது.ஒருவழியாக விமானநிலையத்தை நான்ங்ஐந்து முறை சுற்றி பக்கத்திலிருந்த ஹோட்டலுக்கு வந்தடைந்த போது மணி 11ஐ நெருங்கியிருந்தது. அரைகுரை துக்கத்துடன் ஹோட்டல் அறையை அடைந்து,மறு நாள் காலை 6 மணிக்கு நயகாரவிற்கு புறப்படலாம் என்று திட்டமிட்டபடி தூங்க சென்றோம்.

பார்க் நுழைவாயிலில் இருந்து தெரியும் சாரல் மேகம்

மறுநாள் காலை 6 மணிக்கு புறபட வேண்டிய நாங்கள் 7 மணிக்கு தான் அறையை விட்டு வெளியில் வந்தோம்,ஏற்கனவே தாமதமான எங்களை மழை வேறு துரத்தியது.பிட்ஸ்பர்கிலருந்து பேன்சில்வெனியா மகாணத்தை தாண்டி நியுயார்க் மாகண எல்லைக்குள் வந்த பிறகும் மழை விட்டபாடில்லை.எங்களுக்கு கொஞ்ஞமாக நம்பிக்கை குறைய ஆரமித்தது,மழை அதிகமாக இருந்தால் நயகரா அருவியில் உள்ள Maid of the Mist என்ற படகு சவாரியை நிறுத்தி விடுவார்கள் என்பதே எங்களது கவலையாக இருந்தது.நயகார அருவிக்கு 40 மைல் தொலைவில் சொல்லும் போது கூட மழை நன்றாக பெய்து கொண்டிருந்தது.

கண்காணிப்பு கோபுரம்

ஆனால் எங்கள் நல்ல நேரம் Buffalo விற்குள் நுழைந்து டொல் கேட்டை தாண்டியவுடன் மழை நின்று வெயில் அடிக்க ஆரமித்தது. மனசுக்குள் மகிழ்ச்சி மின்னல்டிக்க நயகரா பூங்காவிற்குள் எங்கள் கார் நுழைந்தது.அருவியிலிருந்து ஒரு மூன்று,நான்கு மைல் தொலைவில் உள்ள பூங்கா நூழைவு பகுதியிலிருந்தே அருவியின் சாரல்கள் உருவாக்கியிருந்த மேக கூட்டத்தை காணமுடிந்தது. பூங்காவிற்குள் கார் நிறுத்துவதற்கு இடம் கிடைக்காததால்,தனியார் கார் நிறுத்தும் இடத்தில் காரை ஒதுக்கிவிட்டு,அவசரமாக பார்கிற்கு விரைந்தோம்.பார்க்கில் 5 டாலர் கொடுத்து அனுமதி சீட்டு வாங்கிய பின்,படகு தளத்திற்கு(docking yard) விரைந்தோம்.

படகின் மேற்தளத்தில் இருந்து கண்டுகளிக்கும் பயணிகள்.

படகு தளத்தின் நுழைவு வாயிலில் கொடுத்த நீர் தடுப்பானை(rain coat) உடுத்திக்கொண்டு,படகிற்காக காத்திருந்தோம்.காத்திருந்த நேரத்தில் சுற்றும் முற்றும் பார்த்ததில், அந்த இடம் ஒரு குட்டி இந்தியாவகவே தெரிந்தது,எங்கெங்கு நோக்கினும் நமது மக்கள் கூட்டம் தான் கண்ணில் தென்பட்டது.படகு எங்களை சுமந்து சென்று அமெரிக்கன் அருவியின் முகப்பில் நிறுத்தியது.அருவியின் மேலிருந்து விழும் தண்ணீர் கிழே உள்ள பாரைகளில் பட்டு சிதறி தெரித்து எங்கள் மீது மழையாக கொட்டியது.அதற்காகவே கொடுக்கபட்ட ரெயின் கோட் எங்களை அருவி சாரலில் இருந்து நனையாமல் காப்பாற்றியது.

சிறிது நேரத்திற்கு பிறகு படகு மீண்டும் எங்களை சுமந்து சென்று ஹார்ஸ் ஷு(Horse Shoe Falls) அருவியின் முகத்துவாரத்திற்கு அருகில் நிறுத்தியது.பெரும் புயல் மழையில் நிற்பது போன்ற அந்த அனுபவம்,நெஞ்சை விட்டு என்றென்றும் நீங்காது.அவ்வளவு சாரல்களுக்கு மத்தியிலும் எனது புகைபட கருவியும்,விடியோ பட கருவியும் தொடர்ந்து இயங்கி கொண்டிருந்த்து.முடிந்தவரையில் அருவியின் அழகை விடியோ பட கருவியில் அள்ளி தள்ளினேன்.

ஹார்ஸ் ஷு அருவியின் முகப்பில் சற்று நேரம் நின்ற படகு,எங்களை சுமந்து கொண்டு நதியின் கனடா கரையோரமாக சென்று மிண்டும் எங்களது படகு துறையில் இறக்கி விட்டது.சிறிது நேர ஓய்வுக்கு பின், கோண்டினில் இருந்த பீட்சாவை வயிற்றில் நிரப்பி கொண்டு,பார்க்கை சுற்றிபார்க்கும் பேருந்தில் ஒரு வலம் வந்தோம்.பார்க்கை விட்டு வெளியில் வந்த எங்களுக்கு,கனடா வரை சென்று பார்க்க ஆசை தோன்றியது.

இரவு தங்குவதற்கு முன்பதிவு செய்யாததால்,நேராக பிட்ஸ்பர்க்கு காரை திருப்பினோம். எங்களிடம் கனடா விசா இல்லை என்று தெரிந்தும், கரை கிள்ப்பி கொண்டு டொல் பூத்த்தை நோக்கி விரைந்தோம்.டோல்பூத்தில் பாஸ்போர்ட்டை காட்டி உள்ளே வந்த எங்களை,நேராக குடிபெயர்ப்பு அலுவலகத்திற்குள்(Immigration office) அனுப்பினார்கள்,அங்கு நாங்கள் விசாரிக்கபட்டு,விசா இல்லை என்று தெரிந்ததும்,அனுமதி மறுக்கபட்டு திருப்பி அனுப்பட்டோம்.

இப்படி கை நீட்டி பேச முடியுமா இங்கே ?

2006-03-16T21:12:00.000-05:00

பயோகான் தொழில் அதிபர் கிரண் மஜும்தார்,கர்நாடக முதல்வர் குமாரசாமியிடம் பெங்களுரின் உள்கட்டமைப்பு (infrastructure ) வசதியை மேம்படுத்துவதற்கான ஆலோசனை வழங்குவதை தான் படத்தில் காண்கிறீர்கள்.

நம்ம ஊரில் இவ்வாறு சரிசமமா உட்கார்ந்து பேசறது இருக்கட்டும், சரியில்லன்னு மொதல்ல தைரியமா சொல்லமுடியுமா?
பத்திரிக்கைகள் எழுதினாலே காவல் துறையை விட்டு துரத்தி பிடிப்பார்கள்.....
தனிபட்ட ஆட்கள் எம்மாத்திரம்...............

ஆட்சி பிடத்தில் இருப்பவர்கள்,எளிதில் அனுககூடியவர்களாக இருப்பது நாட்டிற்கு நலம் பயக்கும்.

நயகராவை பற்றி சில சுவையான தகல்வகள்

2006-03-15T21:52:00.000-05:00

கழுகு பார்வையில் Horse shoe falls

கழுகு பார்வையில் அமெரிக்கன் அருவி தோற்றம்.

நயகரா சில குறிப்புக்கள்

1. 1682ல் ஐரோப்பாவில் அருட்தந்தை லுயிஸ்
ஹென்னிப்னால் வெளியிடப்பட்ட "Description de
la Louisiane" நூலுக்கு பிறகு,நயகராவை பற்றி
ஐரோப்பாவில் அதிகம் தெரியவந்ததாக,சில
வலைதளங்கள் குறிப்பிடுகின்றன.

2. நயகரா உலகத்திலேயே இரண்டாவது பெரிய
அருவி,தென் ஆப்பிரிக்காவில் உள்ள விக்டோரியா
அருவி தான் உலகத்திலேயே மிகப்பெரிய அருவி.

3. நயகராவில் மொத்தம் மூன்று அருவிகள்
உள்ளது.அமெரிக்கன் அருவி(American
Falls),ப்ரைடல் வியில் அருவி(Bridal Veil Falls)
மற்றும் கனடா/குதிரை குளம்பு
அருவி(Canadian/Horse Shoe Falls)

4. அமெரிக்க அருவியின் மொத்த உயரம் 176
அடி.ஆனால் அருவியின் அடியில் உள்ள
பாரைகளினால் உயரம் 70 அடியாக
உள்ளது.150,000 யுஸ் கெலன்கள் தண்ணிர் ஒரு
வினாடிக்கு விழுகிறது.தண்ணிர் விழும்
அளவு,அருவியின் மேற்புரத்தில் உள்ள இரண்டு நீர்
மின்சார நிலையங்கள் உறிஞ்சும் தண்ணிரின்
அளவை பொறுத்து மாறுபடுகிறது.

5. Horse Shoe/Canadian Falls (குதிரை குளம்பு)
அருவி வளைவின் நீளம் 2600 அடி. உயரம் 167
அடி.தண்ணிர் விழும் கொள்ளலவு 600,000 யுஸ்
கெலன்கள்.மூன்றில் ஒரு பங்கு அருவி அமெரிக்க
எல்லைக்குள் உள்ளது.

6. இந்த அருவிகளில் இருந்து விழும் தண்ணிர் 15
மைல் துரத்தை கடந்து,ஒண்டாரியோ ஏரியில்
சென்று கலக்கிறது.

7. வருடம் 12 மில்லியன் சுற்றுலா பயணிகள்
நயகராவை பார்பதற்கு வருவதாக புள்ளி
விவரங்கள் தெரிவிக்கின்றன.

8. குளிர் காலத்தில் நயகராவின் ஒடும் தண்ணீர்
உறைந்து போகாது என்ற
பொழுதிலும்,அருவியிவிலிருந்து வரும் சாரல்கள்
உறைந்து அருவியின் மேல்புறத்தை முடி ஒரு பனி
பாரையாக மாறும் என்று வலைத்தளங்கள்
தெரிவிக்கின்றன.மேலும் 1912 ஆம் ஆண்டு வரை
இவ்வாறு உருவாகும் பனியினாலான பாலத்தின் மீது
மக்கள் நடக்க அனுமதிக்க பட்டு வந்துள்ளார்கள்
என்று செய்திகள் தெரிவிக்கின்றன.

9. நயகராவின் வயது 12000 ஆண்டுகள்.

10. உலகத்தில் ஐந்தில் ஒரு பங்கு நன்னிரை
கொண்டுள்ள பெரிய எரிகளான மிச்சிகன்
ஹுரன்(Lake Michigan Huron),சுப்பிரீயர்(Lake
Superior) மற்றும் ஈரி(Lake Erie), ஆகியவற்றில்
இருந்து வரும் தண்ணிர்,நயகரா ஆற்றில் கலந்து
இந்த அருவியை உருவாக்குகின்றன.

11. ஈரி ஏரிலிருந்து வரும் மிதக்கும் பனி மலைகளை
தடுப்பதற்க்காக நயகரா ஆற்றில் ஐஸ் பூம்
எனப்படும் இரும்பு வலை தடுப்பு இரண்டு மைல்
துரத்திற்கு ஆற்றில் நிறுவபட்டுள்ளது.

12. மார்ச் 29,1848ல்,ஆற்றில் மிதக்கும்
பனிபாரைகளால் ஏற்பட்ட ice jamஆல்,அருவியின்
தண்ணீர் வரத்து மொத்தமாக நிறுத்தபட்டது.

தஞ்சை பெரிய கோவில் - வலைதளம்

2006-03-15T10:05:00.000-05:00

சில மாதங்களுக்கு முன் தினமலரில் தமிழில்
படிக்க கிடைக்கும் வலை தளங்கள் பகுதியிலிருந்து
இந்த வலைதளம் பற்றி தெரியவந்தது.இந்த வலை
தளத்திலிருந்து இதை உருக்கியது,பொன்னியின்
செல்வன் யாஹு குழுமம் என்று தெரியவந்து,நானும்
பொன்னியின் செல்வன் யாஹு குழுமத்தில் ஒட்டி
கொண்டேன்.இந்த அரிய தளத்தை பற்றி அதிக
வருடம் அரியாமல் போன என்னை போல
சிலருக்காக இந்த பதிவு.

இந்த தளத்தில் கோவிலின் காலவரலாறு, ராஜராஜ
சோழனின் சிறப்புகள்,கோவில் வரைபடம்,கோவில்
வடிவமைப்பு,சோழர் கால் ஒவியங்கள் மற்றும்
கோவிலுற்கு செல்வதற்கான பயண விவரங்கள்
அருமையாக விவரிக்கபட்டுள்ளன.

சோழ சாம்ராஜ்ஜியத்தின்,பரந்து விரிந்த
எல்லைகளை குறிகும் வரைபடம்,மிகவும் அரிய

ஒன்றாகவே தோன்றுகிறது.

நம்ம ஊருக்கும் அடிக்குமா இந்த அதிர்ஷ்ட்டம்

2006-03-11T23:23:00.000-05:00

இப்படி ஒரு மேம்பாலம் நம்ம கிண்டி ரவுண்டானாவுக்கு மேல இருந்தா எப்படி இருக்கும்னு ஒரு கற்பனை பண்ணி பாருங்க.என்ன மனசு கற்பனைய விட்டு வெளிய வரமாட்டங்கிதா.

பராவையில்ல ஊடுங்க.நமக்கும் ஒரு நாள் அடிக்கும் இந்த அதிர்ஷ்டம்னு நம்புவோம்.இப்ப நீங்க பார்க்கிறது அட்லாண்டாவில் உள்ள (Interstate Highways I75,I85 and I285) மாநில மற்றும் தேசிய நேடுன்சாலைகள் பின்னி பினைந்து செல்ல உதவும் மேம்பாலம்.கூகுள் பூமியிலுருந்து (Google Earth - மொழிபயர்ப்பு தவறாக இருந்தால் மன்னிக்கவும்) படமாக்கபட்டது.

மகாபலிபுரம் புகைப்படங்கள்

2006-03-11T09:30:00.000-05:00

என்னடா மகாபலிபுரத்தை பற்றி இவ்வளவு கதை சொல்லிவிட்டு,ஒரு புகைப்படம் கூட பொடவில்லை என்று நினைக்கிறீர்களா,உண்மையில் என்னுடைய இன்னொரு வலை,இந்திய சிற்ப்பகலைக்காகவே அர்பணிக்கபட்டுள்ளது.அதை பார்க்க இங்கே சொடுக்கவும்.

Seven Pagodas (எழு கலசங்கள் அல்லது எழு ஸ்துபிகள்)

2006-03-10T14:09:00.000-05:00

இன்றைய மகாபலிபுரம் தான் பண்டைய காலத்தில் எழு கலசங்கள் அல்லது எழு ஸ்துபிகள் என்று ஐரோப்பிய கடலோடிகளால்(to be precise Portuguese) அழைக்கப்பட்டு வந்துள்ளது.1770களில் மகாபலிபுரம், மாவலிபுரம் என்றெ அழைக்கப்பட்டு வந்திருக்கிறது,இது நமக்கு வில்லியம் சாம்பர்ஸ் மற்றும் ஜெ.கோல்டிங்கம் ஆகியோர் 1776 மற்றும் 1798 ஆம் ஆண்டுகளில் எழுதிய பயணக்கட்டுரைகள் மூலம் தெளிவாகிறது.

Seven Pagodas myth (அதாவது கற்பனை அல்லது நம்பிக்கை) முதன் முதலில் J.Goldingham என்ற இங்கிலாந்து பயணியால் எழுதபட்டது என்றே பெரும்பான்மையான வரலாற்று ஆய்வாளர்கள் தெரிவிக்கின்றனர்.

"The myths of Mahabalipuram were written down by British traveler J. Goldingham, who
visited the town in 1798, at which time it was known to sailors as the Seven Pagodas. Legend had it that six temples were submerged beneath the waves, with the seventh temple
still standing on the seashore"

ஆனால் கோல்டிங்காம் மகாபலிபுரத்திற்கு வருவதற்கு முன்பே,மற்றொரு இங்கிலாந்து பயணி வில்லியம் சாம்பர்ஸ்(William Champers) 1776 ல் தனது இரண்டாவது பயணத்தின் போது இதைப்பற்றி குறிப்பிட்டுள்ளார்.அவரது வரிகளை,கிழே காண்க

"The rock,or rather hill of stone,on which great part of these works are executed,is one of the
principal marks for mariners as they approach the coast,and to them the place is known by
the name of the Seven Pagodas,possibly because the summits of the rock have presented
them with that idea as passed:"

இதை 1885ல் மோரிசன் மற்றும் கிப்ஸ்(Morrison and Gibbs) எழுதிய "The cyclopedia of India"ல் மகாபலிபுரத்தை பற்றி எழுதும் போது வில்லியம் சாம்பர்ஸின் பயணகட்டுரையை மேற்கோள் காட்டுவது உருதிபடுத்துகிறது.

இப்பொழுது பிரச்சினை யார் முதலில் இதைப்பற்றி எழுதியது இல்லையென்ற பொழுதிலும்,இருவருமே Seven Pagoda வை பற்றி குறிப்பிட்டுள்ளார்கள்,அதுவும் ஒரே மாதிரியக.கோல்டிங்காம் எழுதிய போது வில்லியம் சாம்பர்ஸை பற்றி அவருக்கு எதுவும் தெரிந்ததாக தெரியவில்லை.மேலும் 1880 களில் இன்று உள்ளது போல கூகுல் தேடல் எல்லாம் இருக்கவில்லையென்பதால்,கோல்டிங்காம் எழுதியது அவருடைய சொந்த அனுபவமாகவே இருந்திருக்க வேண்டும்.

சரி,இப்பொழுது நமது முக்கிய பிரச்சினைக்கு வருவோம்.வில்லியம் சாம்பர்ஸ் தனது கட்டுரையில் இவ்வாறு எழுதுகிறார்.

"And the natives of the place declared to the writer of this account,that the more aged people
among them remembered to have seen the tops of several pagodas far out in the sea whichbeing covered with copper(probably gilt) were particularly visible at sun-rise,as their shining surface used then to reflect the sun's rays, but that now that effect was no longer produced as copper has since become incrusted with mould and verdgirse."

அதாவது அவர் மகாபலிபுரத்து முதியவர்களிடம் பேசும் போழுது அவர்கள்,பல கோயில்களின் மேற்பகுதியில் உள்ள செம்பு தகடுகள்,கடலிலுருந்து காலை நேர சூரிய கதிர்களில் மின்னுவதை பார்த்ததாக கூறியதாக குறிப்பிடுகிறார்.

இதைதான் கோல்டிங்காம் அவர்களும் எழுதியுள்ளதாக *கிராஹம் ஹான்காக் (Graham Hancock) எழுதிய "Underworld" நூலில் குறிப்பிடுகிறார்.இதிலுருந்து Seven Pagodas myth(கற்பனை) என்பது ஒருவரல்ல, இருவர் உருவாக்கியது என்று தெரியவருகிறது.மேலும் இது பலகாலம் வரையில் கற்பனை என்றே நம்பபட்டு வந்தாலும்,கிராஹம் ஹான்காகின் "Underworld" வெளியிடப்பட்ட பிறகு இதை பற்றி ஆராய பலருக்கு ஆர்வம் தோன்றியுள்ளதென்பதில் ஐயமில்லை.

நான் படித்த வரையில் கிராஹம் ஹான்காக் தான் முதலில் இது கற்பனையில்லை என்று தனது *"Underworld: The Mysterious Origins of Civilisation" ல் எழுதியிருக்கிறார்,மேலும் அதை நிருபிக்கும் விதமாக தேசிய கடல் ஆராய்ச்சி நிறுவனத்துடன் அவர் சேர்ந்து நடத்திய அகழ்வராய்ச்சியில் பல புதையுண்ட(சிதைந்து போன) கட்டிடங்கள் இருப்பது கண்டுபடிக்க பட்டுள்ளது.இதற்கான சான்று கீழே குறிப்பில் உள்ள வலை தொடர்பில்(web link) காணலாம்.(கடல் ஆய்வு நிறுவத்தை சேர்ந்த சுந்தரேஷ் குழுவினர் ப்ரசுரித்துள்ள ஆராய்ச்சி கட்டுரையை காண்க)

இதன் தொடர்ச்சியாக கடந்த வருடம் ஏற்பட்ட சுனாமி சோகம் மேலும் சில சிற்ப்பங்களை வெளி கொண்ர்ந்து இருக்கிறது.இது மேலும் பலரை இங்கு எழு கோவில்கள் இருந்து முழ்கிய்ருக்க கூடும் என்று நம்ப வைப்பதற்கு ஏதுவாக இருக்கிறது.

மேலும் தகவல் கிடைப்பின் எனது அடுத்த பதிவில் பகிர்ந்து கொள்வேன்.

------------------------------------------------------------------------------------** கிராஹம் ஹான்காக் - புகழ் பெற்ற ப்ரிட்டிஷ் எழுத்தாளர்.இவர் பிற்ந்தது இந்தியாவில்.இவரது "Finger Prints of Gods" மற்றும் "Heaven's Mirror", ஐந்து மில்லியன் பதிவுகள் விற்ப்பனையகியுள்ளன.மேலும் அவைகள் 27 மொழிகளில் மொழி பெயர்க்கபட்டுள்ளன.

------------------------------------------------------------------------------------

குறிப்பு வலைத் தொடர்புகள் :

http://news.bbc.co.uk/2/hi/south_asia/1923794.stm

http://news.bbc.co.uk/2/hi/south_asia/4312024.stm

http://news.bbc.co.uk/2/hi/south_asia/4257181.stm

http://india.krishna.org/Articles/2002/10/006.html

http://www.grahamhancock.com/biog.htm

http://www.grahamhancock.com/features/maat_methods-p5.htm

http://www.india-atlantis.org/

http://www.squarecircles.com/articles/archeology/8-9.pdf

The research Paper from National Institute of ocenography

Marine Cultural and Historic News Letter- Page 12 & 13

Columbia University History Dept News letter - Pages 8 -9

http://indiantemple.blogspot.com